فوتو: parlam.kz
سەنات دەپۋتاتىنىڭ سوزىنشە, تاۋەلسىزدىك العان جىلدان باستاپ قازاقستاندا لوگيستيكالىق الەۋەتتى ارتتىرۋ ماقساتىندا الەمدىك ستاندارتتارعا سايكەس اۆتوماگيسترالدار سالىندى. دەگەنمەن, قازىرگى ۋاقىتتا جول بويىن كوگالداندىرۋ ماسەلەسى ءتيىستى دەڭگەيدە شەشىلمەي وتىر.
«قازىرگى ۋاقىتتا, رەسپۋبليكالىق ماڭىزى بار اۆتوموبيل جولدارىنىڭ بارلىق جەلىسى بويىنشا «قازاۆتوجول» ۇلتتىق كومپانياسى» اق اقمولا, اقتوبە, الماتى, قاراعاندى, شىعىس قازاقستان وبلىستىق فيليالدارىندا عانا 5 اعاش وتىرعىزۋ ۋچاسكەسى بار, سونداي ۋچاسكەلەر اتالعان وبلىستاردان باسقا ايماقتاردا جوق. 2021-2023 جىلدارى رەسپۋبليكالىق ماڭىزى بار اۆتوموبيل جولدارىنا 3 مىڭ ءتۇپ اعاش پەن كوشەت وتىرعىزىلعان. اتاپ ايتقاندا, الماتى وبلىسىندا 253 شاقىرىم جولعا 1,2 مىڭ ءتۇپ, قاراعاندى وبلىسىندا 982 شاقىرىم جولعا 1,6 مىڭ ءتۇپ. الايدا بۇل جالپى كولەمگە شاققاندا تىم ماردىمسىز», دەدى سەناتور.
سەناتور جول بويىن كوگالداندىرۋ جۇمىسىنىڭ كەنجەلەپ قالۋىنىڭ تاعى ءبىر ىقتيمال سەبەبىن اتادى. بۇل - كوگالداندىرۋ ۇيىمدارىمەن, عىلىمي ينستيتۋتتارمەن جانە بوتانيكالىق باقتارمەن ىنتىماقتاستىقتىڭ جوقتىعى. سەناتور وسىعان بايلانىستى ۇكىمەت باسشىسىنىڭ اتىنا بىرقاتار ناقتى ساۋال جولدادى.
«بوتانيكالىق باقتاردىڭ عىلىمي الەۋەتىن پايدالانۋعا ۇكىمەت نيەتتى مە؟ رەسپۋبليكاداعى اۆتوموبيل جولدارى مەن تەمىرجولدارعا جاۋاپتى مەكەمەلەر, سونداي-اق ەلدى مەكەندەر مەن قالالاردى كوگالداندىرۋعا جاۋاپتى ۇيىمدار ءوز قىزمەتتەرىنە ەلىمىزدىڭ وسىنداي الەۋەتتى عىلىمي ۇيىمدارىن قاشان تارتادى؟ مەملەكەت باسشىسىنىڭ «تازا قازاقستان» دەگەن باستاماسىن ەلدىڭ بارلىق ايماقتارىندا جەدەل جۇزەگە اسىرۋ ءۇشىن ۇكىمەت قانداي ناقتى شارالاردى قولعا العالى وتىر؟», دەدى سەناتور.
