فوتو: polisia.kz
«جالعان پوليتسەيلەر» تۇرعىنداردى تۇراقتى تۇردە قورعاۋعا الامىز دەگەن جەلەۋمەن ءىرى كولەمدە قارجى تالاپ ەتكەن.
كۇدىكتىلەردىڭ بىرىنەن پوليتسيا قىزمەتكەرىنىڭ جالعان قىزمەتتىك كۋالىگى تاركىلەندى. ال ەكىنشى كۇدىكتى الاياقتىق ءۇشىن بۇرىن سوتتالعان بولىپ شىقتى.
«مۇنداي ارەكەتتەر ءوز مىندەتتەرىن ادال اتقاراتىن ىشكى ىستەر ورگاندارى قىزمەتكەرلەرىنىڭ بەدەلىنە نۇقسان كەلتىرەدى. سوندىقتان ولارعا قاتاڭ تۇردە توسقاۋىل قويىلادى. بوپسالاۋ, توناۋ جانە بيلىك وكىلى اتاعىن ءوز بەتىنشە يەمدەنىپ الۋ فاكتىلەرى بويىنشا قىلمىستىق ءىس قوزعالدى. ولاردىڭ وسىعان ۇقساس باسقا قىلمىستارعا قاتىسى بار-جوعى تەكسەرىلىپ جاتىر. قاسكويلەر 10 جىلعا دەيىن باس بوستاندىعىنان ايىرىلۋى مۇمكىن», دەدى دەپارتامەنت باستىعى – ءىىم رەسمي وكىلى شىڭعىس الەكەشەۆ.
كۇدىكتىلەر ۇستالىپ, ۋاقىتشا ۇستاۋ يزولياتورىنا قامالدى.
