تانىستىرىلىمدا س.امانجولوۆ اتىنداعى شىعىس قازاقستان ۋنيۆەرسيتەتىنىڭ فيزيكا جانە تەحنولوگيالار كافەدراسىنىڭ ستۋدەنتتەرى وزدەرىنىڭ عىلىمي جوبالارىن ۇسىندى. جاستار ءوز يدەيالارىن, زەرتتەۋلەرىن قورعادى. مۇندا گەرون سۋبۇرقاعى, استرونوميالىق مۇراجاي جوباسى, ۇيدە بارومەتر جاساۋ, ليتوتەراپيا جوباسى, جەكە ءۇيدى قاشىقتىقتان باسقارۋ سەكىلدى تىڭ دۇنيەلەر ۇسىنىلدى.
سونداي-اق ەڭ جاس زەرتتەۋشىلەر دە ءوز عىلىمي جوبالارى مەن شىعارماشىلىق جۇمىستارىن ۇسىندى. اتاپ ايتساق, كۇرشىم اۋدانى, كۇرشىم اۋىلىنىڭ №3 مەكتەپ-گيمنازياسى وقۋشىلارى كورۋ قابىلەتى بۇزىلعان جاندارعا ارنالعان ۋلترادىبىستىق بىلەزىك ۇسىنسا, «احمەر» ورتا مەكتەبىنىڭ وقۋشىلارى وسىمدىكتەردى ءوسىرۋدىڭ ءتيىمدى ءادىسى – گيدروپونيكا تۋرالى ايتىپ بەردى.
پرەزيدەنت ەلىمىزدىڭ بولاشاعى تەحنيكالىق ماماندىق يەلەرىندە ەكەنىن بىرنەشە رەت ايتقان. وسى ورايدا ايتا كەتەرلىگى, ا.پۋشكين اتىنداعى كىتاپحاناداعى تەحنيكالىق ۇيىرمەلەر مەن شىعارماشىلىق الاڭدارى جاس ۇرپاقتىڭ عىلىمعا دەگەن قىزىعۋشىلىعىن ارتتىرىپ, وي-ءورىسىن كەڭەيتۋگە كومەكتەسەدى. قازىرگى تالانتتى بالالاردىڭ ىشىنەن قانىش ساتباەۆتاي دارا تۇلعا شىقپاسىنا كىم كەپىل؟
وسكەمەن
