“باتىس ەۋروپا – باتىس قىتاي” جوباسى قارقىندى جۇزەگە اسۋدا

ەلىمىزدىڭ 5 وبلىسى اۋماعىن باسىپ وتەتىن “باتىس ەۋروپا-باتىس قىتاي” اۆتوجولىنىڭ قۇرىلىسى بۇگىندە بەلگىلەنگەن مەرزىمىنەن بۇرىن جۇرگىزىلۋدە. بۇل جونىندە كولىك جانە كوممۋنيكاتسيا ءمينيسترى ابىلعازى قۇسايىنوۆ جۋرناليستەرمەن وتكىزگەن ارنايى دوڭگەلەك ۇستەل بارىسىندا حابارلادى. قۇنى 825 ملرد. تەڭگە تۇراتىن “باتىس ەۋروپا-باتىس قىتاي” حالىقارالىق ترانزيت ءدالىزىن قايتا سالۋ جوباسىنىڭ ىسكە اسى­رى­لۋى ۇلكەن قىزىعۋشىلىق تۋدىرۋدا. قى­تاي­دان باستالاتىن ماگيس­ترال رەسەيدىڭ سانكت-پەتەربۋرگ قالاسىنا دەيىن 8,5 مىڭ كم. قا­شىق­تىققا سوزىلىپ جاتىر. الدىن-الا بول­جام بويىنشا ەكونوميكالىق تيىمدىلىگى 86 ملرد. تەڭگەنى قۇرايتىن تەڭدەسسىز جوبانىڭ ەلىمىز اۋماعىن باسىپ وتەتىن بولىگى 2 787 كم. بولسا, ونىڭ 2 452 كم. قايتا سالىنۋعا جاتادى ەكەن. ازيادان ەۋروپاعا تەڭىز جولدارى ارقىلى جۇك تاسىمالىن جۇرگىزۋ 40 تاۋلىكتەن استام ۋاقىتتى الادى. ال “باتىس ەۋروپا-باتىس قى­تاي” جوباسى جۇزەگە اسسا اۆتوكولىك جو­لىمەن 8,5 مىڭ كم. قاشىقتىقتى 10 تاۋلىكتە ءجۇرىپ وتۋگە بولادى. ءبىزدىڭ تەحنيكالىق نەگىزدەمە­لەرىمىز وسىعان ەسەپتەلگەن, دەدى كولىك جانە كوممۋنيكاتسيا ءمينيسترى ءا. قۇسايىنوۆ دوڭگەلەك ۇستەل بارىسىندا. تاسىلاتىن جۇكتەن تۇسەر پايدادان وزگە, جوبا اياسىندا جامبىل, وڭتۇستىك قازاقستان جانە قىزىلوردا وبلىس­تارى بويىنشا جولداردى سالۋمەن قاتار, رەسپۋبليكالىق ماڭىزداعى جەلىلەر قوسا جاڭعىرتىلادى. بۇل رەسپۋب­لي­كالىق ماڭىز­داعى جەلىلەردىڭ 90 پايىزى “باتىس ەۋروپا-باتىس قىتاي” جوباسى ەسە­بىنەن جوندەلەدى دەگەن ءسوز. “باتىس ەۋروپا-باتىس قىتاي” اۆتو­جولىن سالۋعا قازىر 11 كومپانيا جۇمىلدى­رىلۋدا. ونىڭ 5-ءى شەت­ەلدىك كومپانيا بولسا, 6-ۋى قازاقستاندىق. اتقارىلاتىن جۇمىستىڭ 69 پايىزى قازاق­ستاندىق كومپانيالاردىڭ موينىندا. مينيستر ابىلعازى قۇسايى­نوۆتىڭ ايتۋىن­شا, شەتەل كومپانيالارىنىڭ ورتاق ىسكە قو­سىلۋعا ىنتا بىلدىرگەنى بىزگە دە ءتيىمدى. ءويت­­كە­نى, ولار قولدانعان سوڭعى تەحنيكا مەن تەح­نولوگيانى كەيىن ءوزىمىز ۇيرەنىپ, يندۋستريا­لاندىرۋ باعدارلاماسىنا قولدانۋعا جەڭىل بولماق. تەڭدەسى جوق ءىرى جوباعا قارجى قۇيۋشىلار دا وسال ەمەس. بۇكىلالەمدىك بانك, يسلام بانكى, ازيالىق جانە ەۋروپالىق بانكتەر ءىرى كولەمدە, اتاپ ايتساق, 422 ملرد. تەڭگە قارجى سالىپ وتىرعاندىعى اۆتوجولدىڭ بولاشاعى جارقىن ەكەندىگىنە سەنىمدى كۇشەيتە تۇسەدى. سونداي-اق قۇ­رىلىسقا قاجەتتى ماتەريال­دار­دىڭ 86 پايىزى ەلىمىزدەن شىعارىلىپ, قازاق­ستاندىق مازمۇن ارتا ءتۇسىپ وتىر. جاقىندا عانا ماڭعىستاۋ وبلىسىندا اشىلعان بيتۋم زا­ۋىتى قازاق­ستاندىق قۇرىلىس ماتەريال­دا­رىن پايدا­لانۋدى تاعى 6 پايىزعا ارتتىرماق. بۇگىنگى كۇنى جول سالىنۋ بارىسىندا كوپ­تەگەن جۇمىس ورىندارى اشىلىپ, وعان ءوز ما­ماندارىمىز تارتىلۋدا. جوبا جۇزەگە اسىپ جاتقان ەلىمىزدىڭ ءۇش وبلىسىندا 14 مىڭ ادام جۇمىسپەن قامتاماسىز ەتىلگەن. ءبىز بيىل مەر­دىگەرلەردى باسقا ۋچاسكەلەرگە تارتۋ جۇ­مىستارىن اياقتايمىز. ال سودان كەيىنگى جىلدارى وسى جوبالار بويىنشا 50 مىڭعا تارتا ادام تارتىلادى. جالپى, جول سالۋ بارلىق جاعىنان پايدا اكەلەدى, دەدى ءا. قۇسايىنوۆ. ۆەنەرا تۇگەلباي.