وڭىرلىك كوممۋنيكاتسيالار قىزمەتىنىڭ اقپاراتتىق الاڭىندا قوعامدا بەلەڭ الىپ بارا جاتقان ينتەرنەت-الاياقتىق فاكتىلەرىمەن كۇرەس شارالارى سارالاندى. بۇل تۋرالى وبلىستىق پوليتسيا دەپارتامەنتى كريمينالدىق پوليتسيا باسقارماسى باستىعىنىڭ ورىنباسارى ماقسات بايماعانوۆ تولىعىراق باياندادى.
«قازىرگى تاڭدا عالامتور جەلىسى ارقىلى جاسالاتىن قىلمىستاردى بولدىرماۋ ماقساتىندا قىزىلوردا قالالىق پوليتسيا باسقارماسىندا تۇراقتى «CyberPol» جەدەل تەرگەۋ توبىمەن جۇيەلى جۇمىستار اتقارىلىپ جاتىر. الاياقتىق جاساۋدىڭ نەگىزگى جانە باستى سەبەبى - ازاماتتاردىڭ سەنگىشتىگى. مۇنداي قىلمىستاردىڭ بەتىن اشۋ جانە تەرگەۋ بارىسىندا ءبىرشاما قيىندىق تۋىندايدى. ويتكەنى, قىلمىسكەر ءۇشىنشى ادامعا تىركەلگەن ءارتۇرلى بانك كارتالارىن, سونداي-اق ءتۇرلى ابونەنتتىك نومىرلەردى, اقشا شەشىپ الۋ ءۇشىن جالعان ادامداردى پايدالانادى. اتالعان قىلمىستى اشۋ ءۇشىن زاڭ جۇزىندە الىنعان دەرەكتەردى مۇقيات تالداۋ قاجەت جانە بۇل ۇزاق ۋاقىتتى تالاپ ەتەدى. بۇگىندە ينتەرنەت ارقىلى جاسالعان الاياقتىق قىلمىسىنىڭ الدىن الۋ, بولدىرماۋ باعىتىندا ءبىرشاما ءىس-شارالار اتقارىلىپ جاتىر. بۇقارالىق اقپارات قۇرالدارى ارقىلى وبلىستىڭ تۇرعىندارىنا ءتۇسىندىرۋ جۇمىستارى جۇرگىزىلىپ, الاياقتاردىڭ ارباۋىنا ءتۇسىپ قالماۋ تۋرالى, قانداي ساقتىق شارالارىن ساقتاۋ كەرەكتىگى دە تۇسىندىرىلىپ جاتىر. الاياقتاردىڭ ارباۋىنا تۇسپەۋ ءۇشىن تۇرعىندار ساقتىق شارالارى رەتىندە جەكە دەرەكتەرىن قاتاڭ ساقتاۋى كەرەك. وعان قوسا وزىنە تيەسىلى پلاستيكالىق كارتالاردىڭ مالىمەتتەرىن, SMS-كودتار مەن قۇپيا سوزدەردى ەشكىمگە ايتپاۋعا جانە بەلگىسىز ءارى تەكسەرىلمەگەن سايتتاردا تولەم جاساماۋلارىن سۇرايمىن. سونىمەن قاتار تەلەفون مەن كومپيۋتەرگە TeamViewer, AnyDesk جانە RustDesk دەپ اتالاتىن ارنايى باعدارلامالاردى ورناتپاۋعا شاقىرامىن», دەدى ماقسات بايماعانوۆ.
قىرمىزى جۇماعاليقىزى,
ەۇۋ ستۋدەنتى
