فوتو: ult.kz
مەتەورولوگتاردىڭ مالىمەتىنشە, وڭتۇستىك تسيكلوننىڭ اسەرىنەن 25-27 ءساۋىر ارالىعىندا ەلىمىزدىڭ وڭتۇستىك جارتىسىندا, 25 ساۋىردە ەلىمىزدىڭ سولتۇستىك-باتىسىندا جاۋىن-شاشىندى اۋا رايى بولادى. سولتۇستىك-باتىستا دا تۇندە جاۋىن-شاشىن (جاڭبىر, قار) جاۋادى. رەسپۋبليكانىڭ وڭتۇستىگىندە جانە وڭتۇستىك-شىعىسىندا قاتتى جاڭبىر جاۋادى, نايزاعاي وينايدى, بۇرشاق جاۋى ىقتيمال. قالعان اۋماقتا انتيتسيكلون سىلەمىنىڭ اسەرىنەن جاۋىن-شاشىنسىز اۋا رايى ساقتالادى.
رەسپۋبليكا بويىنشا ەكپىندى جەل سوعادى, تۇندە سولتۇستىك جانە شىعىس وبلىستاردا تۇمان تۇسەدى.
«سۋىق فرونت بىرتە-بىرتە ەلىمىزدىڭ وڭتۇستىك وبلىستارىنا اۋىسادى, وندا اۋا تەمپەراتۋراسى تۇندە 0-12, كۇندىز 10-20, سولتۇستىك وبلىستاردا سۋىقتىڭ شارىقتاۋ شەگى كۇتىلەدى. 25 ساۋىردە مۇندا تەرمومەترلەر تۇندە 0-8 گرادۋس ايازعا دەيىن, كۇندىز 5-13 گرادۋسقا دەيىن تومەندەيدى, سودان كەيىن سولتۇستىكتە كۇندىز اۋا تەمپەراتۋراسى 10-17 گرادۋسقا دەيىن بىرتىندەپ كوتەرىلە باستايدى», دەلىنگەن حابارلامادا.
