فوتو: primeminister.kz
ء«بىزدىڭ ۆەدومستۆو گيدروتەحنيكالىق قۇرىلىستاردى سالۋعا بولىنگەن بيۋدجەتتىك قاراجاتقا قاتىستى 4 قىلمىستىق ءىستى تىركەدى. اتالعان ىستەر ۇلىتاۋ, اقتوبە, قىزىلوردا وبلىستارىندا جانە الماتى قالاسىندا تەرگەلىپ جاتىر. بۇل قىلمىستىق ىستەردىڭ باسىم بولىگى بيۋدجەت قاراجاتىن ۇرلاۋ فاكتىلەرى بويىنشا قوزعالعان. ءبىر جاعدايدا ارنايى وسى بوگەتتەردى كۇتىپ ۇستاۋداعى زاڭسىز ارەكەتتەر سەبەپ بولدى. وسى ىستەر بويىنشا 1 ملرد تەڭگە شاماسىندا زالال كەلتىرىلگەنى انىقتالدى», دەدى ج.ەلەمەسوۆ ءماجىلىس وتىرىسىندا.
ەلەمەسوۆتىڭ ايتۋىنشا, اتالعان زاڭسىز ارەكەتتەر وتكەن جىلدارى دا جاسالعان. بۇل اقشا بىرنەشە جىل بۇرىن گيدرولوگيالىق نىسانداردى كۇتىپ ۇستاۋعا بولىنگەن.
«بۇل قاراجات بيىلعى سۋ تاسقىنىنا قارسى بولىنگەن 140 ملرد تەڭگەگە قاتىسى جوق. قازىر يگەرىلىپ جاتقان وسى قاراجاتتىڭ ماقساتتى جۇمسالۋىنا مونيتورينگ جاسايمىز, ياعني زاڭسىز ارەكەتتەرگە توسقاۋىل قويامىز», دەدى اگەنتتىك توراعاسىنىڭ ورىنباسارى.
سونداي-اق ۇلىتاۋ, اقتوبە, قىزىلوردا وبلىستارى مەن الماتى قالاسىندا 1 ميلليارد تەڭگەنى ۇرلاۋ ءىسى بويىنشا كۇدىكتىلەر انىقتالعانى قوسا حابارلاندى.
«كۇدىككە ىلىنگەندەر اراسىندا ءتيىستى تەندەرلەردى العان كاسىپكەرلەر دە, سونداي-اق ورىندالعان جۇمىستاردىڭ اكتىسىنە قول قويعان لاۋازىم يەلەرى دە بار. ولار ءالى تۇتقىنعا الىنبادى. سەبەبى اتالعان وڭىرلەردە سۋ تاسقىنى جاعدايى ءالى دە كۇردەلى, كەيبىر ادامدار سۋ باسقان جەرلەرلەردە قىزمەت اتقارىپ جاتىر. قازىر تەك قىلمىستىق ىستەردى تىركەدىك جانە تەرگەۋ پروتسەسى ءجۇرىپ جاتىر», دەپ ءتۇسىندىردى جەڭىس ەلەمەسوۆ.
قىرمىزى جۇماعاليقىزى,
ەۇۋ ستۋدەنتى
