فوتو: اشىق دەرەككوز
مامانداردىڭ بولجامىنا سايكەس, قازاقستان اۋماعىنىڭ باسىم بولىگىنە وڭتۇستىك تسيكلون جانە ونىمەن بايلانىستى اتموسفەرالىق فرونتالدى ۋچاسكەلەر اسەر ەتەدى. ەلىمىزدە نايزاعاي ويناپ, جاڭبىر جاۋادى, وڭتۇستىك-شىعىستا بۇرشاق جاۋادى, رەسپۋبليكا بويىنشا جەل كۇشەيەدى, وڭتۇستىك- باتىستا, وڭتۇستىك-شىعىستا شاڭدى داۋىل سوعادى, وڭتۇستىكتە, وڭتۇستىك-شىعىستا ەكپىندى جەل سوعادى.
تەك ەلىمىزدىڭ سولتۇستىك-شىعىسىندا جانە شىعىسىندا جاۋىن-شاشىنسىز اۋا رايى كۇتىلەدى. ورتالىقتا, قىزىلوردا وبلىسىنىڭ شىعىسىندا جانە قىزىلوردا, ماڭعىستاۋ وبلىسىنىڭ سولتۇستىك-شىعىسىندا جوعارى ءورت قاۋپى ساقتالادى.
