فوتو: naryntany.kz
ماحامبەت اۋدانى اكىمدىگىنىڭ مالىمەتىنشە, بۇرىن جايىق وزەنىنىڭ جايىلماسىنا 9 مامىرعا دەيىن سۋ كەلمەيتىن بولعان.
«الايدا, بيىل قارعىن سۋدىڭ جايىلماعا ادەتتەگىدەن ەكى اپتا بۇرىن شىققانى تىركەلدى. قازىر جايىق وزەنىنەن تولەپ-قاراسۋ, قورجىن, الماعامبەت, ولىشىعاناق, گاگۋشكين, قىزىلجار, 15-اۋىل, 13-اۋىل, پەترۋشكين, 12-اۋىل, 9-اۋىل, قاراشىعاناق, كىشى قاراشىعاناق, 8-اۋىل, باقساي, گلۋحوي جانە سبورنىي جايىلماسىنا قارعىن سۋ شىقتى», دەپ حابارلادى وبلىستىق شتابتان.
ماحامبەت اۋداندىق كاسىپكەرلىك جانە اۋىل شارۋاشىلىعى ءبولىمىنىڭ باسشىسى ولجاس مىرزاباەۆتىڭ مالىمەتىنە سۇيەنسەك, جەكە يەلىكتەگى مال ءۇشىن 17 قاۋىپسىز اۋماق بەلگىلەنگەن.
ء«بىزدىڭ اۋداندا 50 مىڭعا جۋىق مال بار. قاۋىپتى اۋماقتاردا كوكتەمگى ەگىس جۇمىستارىمەن اينالىساتىن 46 شارۋا قوجالىعىنىڭ باسشىلارىنا الدىن الا ەسكەرتۋ بەرىلدى. قازىر قاۋىپسىز جەرلەرگە 4 مىڭنان استام مال ايدالدى. قاۋىپسىز اۋماقتاردىڭ مارشرۋتى مەن كارتاسى اۋىلدىق وكرۋگ اكىمدەرى, اۋداندىق جەر قاتىناستارى ءبولىمى جانە اۋىل اقساقالدارىمەن بىرلەسىپ ازىرلەندى» دەپ حابارلادى ولجاس مىرزاباەۆ.
