فوتو: قر پرەزيدەنتىنىڭ ءباسپاسوز قىزمەتى
پرەمەر-مينيستر سۋ تاسقىنىنان زارداپ شەككەندەرگە كەلتىرىلگەن شىعىندى وتەۋ وتكەن اپتادا باستالعانىن ەسكە سالدى.
«قازىرگى ۋاقىتتا 11 مىڭعا جۋىق وتباسى 100 اەك كولەمىندە تولەم الدى (2024 جىلى 369 200 تەڭگە). كاسىپكەرلەردىڭ شىعىنى دا وتەلەدى. بۇل كوپ جۇمىستىڭ باسى عانا. سونىمەن قاتار, 100 اەك وتەماقىعا قوسىمشا 150 اەك (2024 جىلى 553 800 تەڭگە) تولەيمىز, بۇل شامامەن 553 مىڭ تەڭگەنى قۇرايدى, بۇل اقشاعا تۇرعىندار قاجەتتى زاتتاردى: توڭازىتقىش, ۇستەل, ورىندىق, ىدىس-اياق, كيىم-كەشەك ساتىپ الا الادى», دەدى بەكتەنوۆ ۇكىمەت وتىرىسىندا.
سونىمەن قاتار ۇكىمەت باسشىسى قازاقستاننىڭ كەيبىر وڭىرلەرىندە سۋ باسۋ قاۋپى ءالى دە سەيىلمەگەنىن, وزەندەردەگى سۋ دەڭگەيىنىڭ كوتەرىلۋ فاكتىلەرى تىركەلىپ جاتقانىن تىلگە تيەك ەتتى.
«وسىعان بايلانىستى توتەنشە جاعدايلار مينيسترلىگىنە ءوڭىر اكىمدىكتەرىمەن بىرلەسىپ, سۋ تاسقىنى جاعدايىنا كۇشەيتىلگەن مونيتورينگتى جالعاستىرۋدى جانە قاجەت بولعان جاعدايدا تۇرعىنداردى ماجبۇرلەپ ەۆاكۋاتسيالاۋدى تاپسىرامىن», دەدى بەكتەنوۆ.
پرەمەر-ءمينيستردىڭ تاپسىرماسىنا سايكەس, ەكولوگيا جانە تابيعي رەسۋرستار مينيسترلىگى سۋ قويمالارى مەن وزەندەردە ولشەۋ ستانسالارىنىڭ سانىن كوبەيتۋ قاجەت.
قىرمىزى جۇماعاليقىزى,
ەۇۋ ستۋدەنتى
