الدىمەن اتىراۋ وبلىسىنا كورشى بەينەۋ اۋدانىنىڭ جەكەلەگەن ازاماتتارىنىڭ جانە ودان كەيىن باسقا جىگىتتەردىڭ جينالىپ, قۇلسارى قالاسىنا كومەككە اتتانۋى جالپىحالىقتىق سيپات الدى. قۇلسارىدان شىققان تۇرعىنداردى كۇن-ءتۇن دەمەي تەگىن تاسىپ, ماڭعىستاۋدىڭ بارلىق اۋدان-قالاسىنا ورنالاستىردى, ەۆاكۋاتسيالانعاندار ءۇشىن الەۋمەتتىك نىسانداردان ارنايى ورىندار دايىندالىپ, ماڭعىستاۋلىقتار اياعىنان تىك تۇرا قىزمەت ەتتى. ۆولونتەرلەر, وبلىس اكىمدىگىنەن ارنايى اشىلعان قوعامدىق كومەك شتابى, «دوستىق» ءۇيى اياسىنداعى وزگە ۇلت وكىلدەرى, جالپى ايتقاندا, بۇكىل حالىق ازىق-ت ۇلىك, كيىم-كەشەك پەن وزگە دە قاجەتتى بۇيىمداردى ءاپ-ساتتە جيناپ, قينالىپ كەلگەن اعايىندى قۇشاعىنا باستى. قيىن ساتتە ماڭعىستاۋ وبلىسى اتىراۋ وبلىسىنان ەۆاكۋاتسيالانعان 27 مىڭنان اسا ادامدى قابىلدادى. قۇلسارىلىقتاردى جەكە ۇيىنە ورنالاستىرعاندار دا از بولعان جوق. سولاردىڭ ءبىرى بەينەۋ اۋدانىنا قاراستى بورانقۇل اۋلىنىڭ تۇرعىنى, كاسىپكەر, بەينەۋ اۋداندىق ءماسليحات دەپۋتاتى مەرۋەرت وماروۆا قۇلسارى قالاسىنىڭ 250 تۇرعىنىن ءوز ۇيىندە كۇتتى.
– بارىنە توسەك-ورنىن دايىنداپ, كەرەك-جاراقتارىن, ىستىق تاماقتارىن ۇلەستىردىك. مال سويىپ, 250 ادامعا جەتەرلىكتەي تاماق ازىرلەدىك. اتىراۋلىق كەلىنشەكتەر دە قاراپ وتىرماي, ءبارى ءبىر جەڭنەن قول, ءبىر جاعادان باس شىعارىپ, جۇمىلا كىرىسىپ كەتتى. جولداسىم ءتىرى كەزىندە ءوز قولىمەن, ماڭداي تەرىمەن سوققان ەكى قاباتتى ءۇش ءۇي جانە ءبىر جەر ۇيگە وسى 250 ادام ءبولىنىپ, ورنالاستى, – دەيدى م.وماروۆا.
قايىرىمدى كاسىپكەر تۇرعىن ۇيىنەن بولەك جەكە قوناقۇيىنە 100-دەن اسا ادامدى ورنالاستىرعان.
ماڭعىستاۋلىق قۇتقارۋشىلار دا توتەنشە جاعداي سالدارىن جويۋ بويىنشا تەك اتىراۋ ەمەس, اقتوبە, باتىس قازاقستان وبلىستارىندا قۇتقارۋ جۇمىستارىنا جۇمىلدىرىلدى. سۋ تاسقىنىمەن كۇرەسۋ ءۇشىن ماڭعىستاۋ وبلىسىنىڭ تجد تاراپىنان 200 قىزمەتكەر, 19 بىرلىك تەحنيكا, 28 موتوپومپا, 7 ءجۇزۋ قۇرالىنان تۇراتىن 2 جەرسەرىكتىك بايلانىس جۇيەسى جانە 1 كۆادروكوپتەر جىبەرىلدى. سونداي-اق مەملەكەت باسشىسىنىڭ تاپسىرماسى بويىنشا تابيعي سيپاتتاعى توتەنشە جاعدايدى جويۋ جونىندە شارالار قابىلداۋ ءۇشىن مەملەكەتتىك ماتەريالدىق رەزەرۆتىڭ ماتەريالدارى بروننان شىققان ەدى. اتىراۋ وبلىسىنان ەۆاكۋاتسيالانعان تۇرعىندارعا ارنالعان كومەك ماڭعىستاۋعا جەتكىزىلدى. كومەكتى ءتۇسىرىپ الۋعا, تاسىپ ورنالاستىرۋعا اسكەريلەرمەن بىرگە ەرىكتىلەر, بەلسەندىلەر قاتىستى.
– ءبىزدىڭ وڭىرگە, يندۋستريالدى پارك اۋماعىنا تەمىرجول ارقىلى بۇگىن 14 ۆاگونعا تيەلگەن كەرەۋەت پەن توسەك-ورىن جابدىقتارى جەتكىزىلدى. ماڭعىستاۋدا سۋ تاسقىنى قاۋپى جوق ەكەنى بەلگىلى, كەرىسىنشە, ءبىز اتىراۋ وبلىسىنان ەۆاكۋاتسيالانعان ازاماتتاردى قابىلداپ جاتىرمىز. ولاردىڭ قاجەتتىلىكتەرىن قامتاماسىز ەتۋ ءۇشىن مەملەكەتتىك ماتەريالدىق رەزەرۆتىڭ ماتەريالدارى بروننان شىقتى. ول ماتەريالدار ەۆاكوپۋنكتتەر ورنالاسقان قالالار مەن اۋدانداردىڭ وتىنىمدەرى نەگىزىندە ءبولىنىپ جاتىر, – دەدى ماڭعىستاۋ وبلىسى جۇمىلدىرۋ دايىندىعى جانە ازاماتتىق قورعاۋ باسقارماسى باسشىسىنىڭ ورىنباسارى كەنجەبەك بەكماعامبەتوۆ.
گۋمانيتارلىق كومەك رەتىندە «Azersun» ءوندىرىسىنىڭ جانە لوگيستيكا ورتالىعىنىڭ اۋماعىنا 240 توننادان اسا ازىق-ت ۇلىك تاۋارلارى كەلدى. ماڭعىستاۋ وبلىسى كاسىپكەرلىك جانە ساۋدا باسقارماسى باسشىسىنىڭ ورىنباسارى پىكىر سانسىزباەۆتىڭ ايتۋىنشا, وڭىرگە 4 توننا ماكارون, 12 توننادان اسا قاراقۇمىق جارماسى, 180 توننادان اسا ۇن جانە ت.ب. ازىق-ت ۇلىك جەتكەن.
– ماڭعىستاۋدا ازىق-ت ۇلىك تاۋارلارىنىڭ تاپشىلىعى بايقالمايدى. وسى قولدانعان شارالار ارقىلى ىسكە اسىرىلعان جۇمىستىڭ انىق كورىنىسى رەتىندە مىنانى ايتساق بولادى: اتىراۋ – اقتاۋ جولى جابىلعان كۇندەرى تاۋارلار تەمىرجول ارقىلى جەتكىزىلدى. قازىر ءبىز ازىق-ت ۇلىك باعاسىنىڭ نەگىزسىز وسۋىنە جول بەرمەۋ ءۇشىن باعا مونيتورينگىن جۇرگىزىپ جاتىرمىز, – دەدى ول.
ماڭعىستاۋداعى ەۆاكوپۋنكتتەردەگى ازاماتتارعا مەديتسينالىق, پسيحولوگيالىق, مادەني-گۋمانيتارلىق كومەك جان-جاقتى جانە ۇزدىكسىز كورسەتىلىپ جاتىر. مەكتەپ جاسىنداعى بالالار تولىقتاي ساباققا تارتىلدى. بالالار ءۇشىن قۋىرشاق تەاترى قويىلىمدار قويسا, ورازا ايت مەرەكەسىندە ءتۇرلى ءىس-شارا بالالارعا ارنالدى. قىزمەتى اتىراۋ وبلىسىنان ەۆاكۋاتسيالانعان حالىق اراسىندا كوممۋنيكاتسيالىق جانە اقپاراتتىق جۇمىستارعا باعىتتالعان قوعامدىق شتاب وكىلدەرىمەن بىرگە ماڭعىستاۋلىق اقساقالدار ەۆاكوپۋنكتتەردە بولىپ, اتىراۋلىقتارمەن جۇزدەستى.
سۋ الەگىن ەڭسەرۋ, الدىن الۋ جۇمىستارى باستالعان سوڭ-اق ماڭعىستاۋ وبلىسى اكىمدىگىنىڭ جەتەكشىلىگىمەن «قاراجانباسمۇناي» اق, «اقتاۋ تەڭىز ساۋدا پورتى ۇك» اق, «گاتين» جشس, «ونداسىنستروي» جشس, «اس-قۇرىلىس» جشس, «اليانس LTD» جشس سياقتى ونەركاسىپتىك كاسىپورىندار بولگەن تەحنيكالار اتىراۋعا «قازاقستان تەمىر جولى» ۇك» اق ۇسىنعان 10 تەمىرجول پلاتفورماسىنا تيەلدى.
«اتىراۋ وبلىسىنا 20 مامان كەتتى. ولار وسى تەحنيكانىڭ تاۋلىك بويى جۇمىس ىستەۋىن قامتاماسىز ەتەدى. قۇم سالىنعان قاپتار مەن وزگە دە قۇرال-جابدىق جابىق ۆاگونمەن جونەلتىلەدى», دەيدى ماڭعىستاۋ وبلىسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ادايبەك قاليەۆ.
ماڭعىستاۋ وبلىسى
