جايىق جاعاسىنداعى جايسىزدىق

قۇتقارۋشىلاردىڭ ەڭبەگى زور

توتەنشە جاعدايلار مينيسترلىگىنىڭ مالىمەتىنشە, سۋ باسقان وڭىردە اۋلالاردى قارعىن سۋدان تازارتىپ, سورۋ جۇمىس­تارى تاۋلىك بويى دامىلسىز اتقارىلىپ جاتىر. اتىراۋ وبلىسىنىڭ جىلىوي اۋدانىن­دا وتكەن تاۋلىكتە اۋلالاردان 900 مىڭ تەكشە مەتر سۋ شىعارىلعان. رەسپۋب­ليكا بويىنشا 23 085 ادام ءوز ۇيىنە ورالسا, 11,4 ملن تەكشە مەتر قار سۋى سورىلىپ, بوگەتتەردى مىعىمداۋ ءۇشىن 5,3 ملن قاپشىق پەن 1,4 ملن توننا ينەرتتى ماتەريالدار توسەلگەن. 4 554 تۇرعىن ءۇي مەن 2 767 اۋلاعا جايىلعان سۋ ارناسىن تاۋىپ, سورىلعان. وتكەن تاۋلىكتە جەدەل جەلى تەلەفونىنا 2 132 قوڭىراۋ ءتۇسىپتى.

توتەنشە جاعدايلار مينيسترلىگى­نىڭ رەسمي وكىلى اسقار ءشارىپ باتىس قازاق­ستان وبلىسىنداعى جايىق وزەنىن­دە سۋ دەڭ­گەيىنىڭ كوتەرىلۋى ءجىتى باقىلاۋ­عا الىنىپ, مونيتورينگ جۇرگىزىلىپ جاتقانىن مالىمدەدى. سونىمەن قاتار ازاماتتاردى قۇلاعدار ەتۋ باعىتىندا تەلەراديو ارقىلى حابارلاندىرۋ تاۋلىگىنە التى رەت ء(ار ءتورت ساعات سايىن) ىسكە قوسىلاتىنىن جەتكىزدى. ونسىز دا دەگبىرى قاشىپ, كوڭىلى الاڭ اعايىنعا حابارلاندىرۋدى دەر كەزىندە جەتكىزۋدىڭ دە ماڭىزى زور.

«ەلىمىزدىڭ وزگە وڭىرلەرىنەن دە توتەن­شە جاعدايلار مينيسترلىگىنىڭ قوسىمشا كۇشتەرى مەن قۇرالدارىن تارتۋ قارقىندى جۇرگىزىلىپ وتىر. قوسىم­شا قول كۇشى ۋچاس­كە­لەرگە ءبولىنىپ, قار­قىندى جۇمىس اتقا­رىپ جاتىر. وتكەن تاۋلىكتە ورال قالا­سىنا ىرگەلەس ستەنو­ۆيك باۋ-باقشا سەرىك­تەس­­تىگىندە 4 ادام قۇت­قارىلدى. 61 ادام ەۆا­­كۋاتسيالان­دى. وزگە تۇرعىندار بۇعان دە­يىن قاۋىپسىز مەكەنگە كوشىرىلگەن ەدى.

1 497 ادام ۋاقىتشا ورنالاستىرۋ پۋنك­­­تىن پا­نا­لاسا, قالعان تۇرعىندار قالا­­­داعى تۋىستارىنىڭ ۇيىنە جىبەرىلدى. سايا­­جاي­­داعى ۇيلەردە ازا­ماتتاردىڭ بار-جو­­عى تەكسەرىلىپ جاتىر», دەدى ا.ءشارىپ.

تجم رەسمي وكىلىنىڭ مالىمە­تىن­شە, اپاتتىق قۇتقارۋ جانە سۋ تاسقىنىنا قارسى جۇمىستارعا 33 852 ادام, 4973 تەحنيكا, 874 سۋ سورۋ قۇرالى, 389 ءجۇزۋ قۇرالى, 14 اۋە كەمەسى جۇمىلدىرىلعان.

قيساپسىز شىعىننىڭ ورنى تولادى, سۋ شايعان ءۇيدىڭ ورنىنا جاڭا باسپانا بوي كوتەرەدى. قاڭىراعان قوراعا دا ءتورت ت ۇلىك قايتا ورالادى. ەڭ باستىسى, ادام ومىرىنە قاۋىپ تونبەۋى كەرەك. دەيتۇرعىنمەن تۇرعىندار اراسىندا باسىن قاتەرگە تىگىپ, ەسكەرتۋگە قاراماستان ساياجا­يىن كۇزەتپەككە ۇيىنە ورالعان ازاماتتار دا انىقتالعان. ورال قالاسى ماڭىنداعى ساياجايلاردا اپاتتىق  قۇتقارۋ جۇمىستارىنا تىكۇشاق, 10 قايىق, جەكە قۇرامنان 230 ادام تارتىلعان.

ءبىراز ايماقتا جاۋىن جاۋادى

ورتالىق كوممۋنيكاتسيالار قىزمەتىندە وتكەن بريفينگتە «قاز­گيد­رومەت» رمك ءباسپاسوز حاتشىسى الينا يسماعۇلوۆا ەلىمىزدىڭ باسىم ايماعىندا اتموسفەرالىق قىسىم كۇشەيىپ, نايزاعاي ويناپ, جاڭبىر جاۋاتىنىن ايتتى. جەل كۇشەيىپ, وڭتۇستىك وڭىردە داۋىل سوعۋى مۇمكىن ەكەنىن ەسكەرتىپ, سولتۇستىك پەن سولتۇستىك باتىس ايماقتا جاۋىن-شاشىن بولمايتىنىن جەتكىزدى.

ا.يسماعۇلوۆانىڭ ايتۋىنشا, باتىس قازاقستان وبلىسىنداعى وزەندەردىڭ باسىم بولىگىندە سۋ تاسقىنى شەگىنە جەتكەن. ورال گيدرولوگيالىق بەكەتىندە سۋ دەڭگەيى قاۋىپتى شەگىنەن اسىپ تۇر. مۇندا 23-26 ءساۋىر ارال­ىعىندا جاڭبىر جا­­­ۋىپ, اۋا تەمپەراتۋراسى 4-9 گرادۋس­قا دەيىن تومەندەۋى مۇمكىن ەكەنىن مالىم­دەدى.

سىن ساعاتتا كورشىنىڭ دە كوڭىلى الاڭ

مەملەكەت باسشىسى قاسىم-جومارت توقاەۆ تۋ تاسقىنى زاردابىنا قاتىستى جولداعان ۇندەۋىن­دە كاسىپكەرلەردى حالىقتىڭ جەل جاعىنا پانا بولىپ, قولداۋ كور­سەتۋگە شاقىردى. پرەزيدەنتتىڭ بۇيىمتايىن قولداعان كاسىپكەر دانيار ابۋلعازين سۋ تاسقىنىنان زارداپ شەككەن قوستاناي وبلىسى­نىڭ تۇرعىندارىنا باسپانا سالۋ ءۇشىن 1,5 ملرد تەڭگە قارجى ءبولدى.

«زارداپ شەككەن تۇرعىندارعا مەدەۋ بولىپ كومەك قولىن سوزۋ – بارىمىزگە ورتاق جاۋاپكەرشىلىك. ادامداردىڭ قاۋىپسىز جەردە بوي كوتەرەتىن جاڭا باسپاناسىن سالۋ شارۋاسىن دەرەۋ باستايمىز. مەملەكەت باسشىسىنىڭ ۇندەۋىنە وراي بيزنەس وكىلدەرىنىڭ بىرىگە قولداۋى تاسقىن سۋدىڭ استىندا قالعان ايماقتاردى قالپىنا كەلتىرۋگە سەپتىگىن تيگىزەدى», دەدى د.ابۋلعازين.

سۋ تاسقىنىنان زارداپ شەككەن ايماقتارعا كورشى ەلدەردىڭ دە گۋمانيتارلىق كومەگى كەلىپ جاتىر. بۇعان دەيىن كورشىمىز قىرعىز رەسپۋبليكاسىنان, وزبەك­ستاننان گۋمانيتارلىق كومەك جەتكىزىلىپ, ءتيىستى ورىندارعا تارا­تىلعان ەدى.

قاراعاندىعا وزبەكستاننان 15 جۇك كولىگىمەن گۋمانيتارلىق كومەك جەتكىزىلدى. كورشى ەلدەن ازىق-ت ۇلىك, كيىم-كەشەككە قوسا  تۇرمىسقا قاجەتتى قۇرال-سايمان, 800-گە تارتا ۇرلەمەلى قايىق اكەلىنگەن. مەم­لەكەتتىك بيۋدجەت ەسەبىنەن بولىن­گەن قاراجاتقا الىنعان گۋما­ني­تارلىق كومەكتىڭ بارلىعى دەرلىك وزدەرىنىڭ ءونىمى. وزبەكستان سىرتقى ىستەر ءمينيسترىنىڭ ورىنباسارى بوبۋر ۋسمانوۆ تۋىسقان ەلگە كومەك قولىن سوزۋ پارىز ەكەنىن ايتتى.

ەندى مىنە, تاجىكستان رەسپۋب­لي­كاسىنان 61 ۆاگون گۋما­ني­تار­لىق كومەك تۇركىستان وبلىسىنا جەتتى. ازىق-ت ۇلىك, كيىم-كەشەك جانە اسا قاجەتتى زاتتار تيەلگەن جۇك ۆاگونى «سارىاعاش» تەمىرجول ستان­ساسىنا توقتادى. بۇدان سىرت 15 جۇك كولىگىنە تەڭدەي ارتىلعان كومەك تە ءدىن امان دىتتەگەن جەرگە جەتكىزىلگەن. وسىلايشا, تاجىك­ستان رەسپۋبليكاسىنان 3 500 توننا گۋمانيتارلىق كومەك جونەل­تىلدى.

تاجىكستاننىڭ توتەنشە جاع­دايلار جانە ازاماتتىق قورعا­نىس كوميتەتىنىڭ توراعاسى رۋستام نازارزودا قازاقستان سترا­تە­گيا­لىق مۇددەلەس مەملەكەت سانالا­تىن­دىق­تان قاشاندا قول ۇشىن سوزۋعا ءازىر ەكەنىن اتاپ ءوتتى. تاجىكستان مەملەكەتىندە قانداي ماسەلە تۋىنداسا, قازاقستان الدىمەن قولداۋ كورسەتۋگە ۇمتىلاتىنىن جەتكىزىپ, مۇددەلەس مەملەكەتتەردىڭ ءبىر-بىرىنە دەمەۋ بولۋى ماڭىزدى ەكەنىنە توقتالدى.

گۋمانيتارلىق كومەكتى قابىل­داپ العان دەلەگاتسيا اتىنان ءسوز سويلەگەن تۇركىستان وبلىسى اكىمىنىڭ ورىنباسارى بەيسەنباي تاجىباەۆ باۋىر­لاس ەلگە قىسىلتاياڭ شاقتا سۇيەۋ بولعانى ءۇشىن العىسىن ايتتى.

«بۇعان دەيىن دە ورتالىق ازيا­داعى وزگە ەلدەردەن دە گۋماني­تار­لىق كومەك كەلگەن ەدى. ەندى تاجىكستاننان قۇرىلىس ماتەريالدارى, ازىق-ت ۇلىك, كيىم-كەشەك جەتكىزىلىپ وتىر. بۇل ءۇردىس – ەكى ەلدىڭ دوستىعىنا سىزات تۇسپەي بەكي بەرەتىنىنىڭ ايعاعى», دەدى ب.تاجىباەۆ.