اتىراۋ وبلىسىنىڭ جەدەل شتابىنان ءمالىم ەتكەندەي, قۇلسارى قالاسىنداعى تاسقىن سۋدى سورۋ جۇمىستارى ءالى دە جۇرگىزىلىپ جاتىر.
تاسقىننان كەيىن مونوقالاداعى سۋدى سورىپ الۋ ءۇشىن قوسىمشا كۇشتەر جۇمىلدى. ونىڭ قۇرامىندا توتەنشە جاعدايلار مينيسترلىگىنىڭ اقتوبە وبلىسىنداعى 20982 اسكەري ءبولىمىنىڭ, ماڭعىستاۋ, الماتى جانە اتىراۋ وبلىستىق توتەنشە جاعدايلار دەپارتامەنتىنىڭ قىزمەتكەرلەرى مەن قۇرالدارى بار.
«قازىر قۇلسارى قالاسىنداعى سۋدى سورۋعا 7 تىركەمە, 21 موتوپومپا, 1 پنس-200, 1 سنپ-500, 3 پنس-110 جانە 1 ار-2 قۇرىلعىلارى مەن 54 ۆاكۋم تارتىلدى. ونىڭ ىشىندە «سۋپەرساكەر» 3 ۆاكۋمى دا بار. وسى ۋاقىتقا دەيىن شاھاردان 887 مىڭ 219 تەكشە مەتر سۋ سورىلدى», دەپ حابارلادى وبلىستىق جەدەل شتاب وكىلدەرى.
