فوتو: Shutterstock
قازاقستاننىڭ سولتۇستىگىندە ەگىس مامىر ايىنىڭ ورتاسىندا باستالادى. الدىن الا بولجامعا سايكەس, بۇل اي ىستىق بولادى. ماسەلەن, رەسپۋبليكانىڭ باسىم بولىگىندە ورتاشا ايلىق اۋا تەمپەراتۋراسى نورمادان 1-2 گرادۋسقا جوعارى بولادى دەپ بولجانىپ وتىر.
«رەسپۋبليكانىڭ قيىر باتىسىندا جاۋىن-شاشىن مولشەرى ورتاشا كليماتتىق كورسەتكىشتەردەن اسىپ تۇسەدى دەپ كۇتىلەدى. ۇلىتاۋ, قىزىلوردا, قوستاناي جانە اقمولا وبلىستارىندا, تۇركىستان, جامبىل, قاراعاندى وبلىستارىنىڭ سولتۇستىك-باتىسىندا جاۋىن-شاشىن مولشەرى از بولادى», دەدى لوەنكو بريفينگ بارىسىندا.
ەرىگەن قار سۋىنىڭ كوپ مولشەرىن ەسكەرە وتىرىپ, استىقتى ايماقتاردىڭ كوپشىلىگىندە ەگىس كەزەڭىندە توپىراقتاعى ىلعالدىڭ وڭتايلى قورى كۇتىلەدى.
«قىزىلوردا وبلىسىنىڭ قارماقشى اۋدانىندا اتموسفەرالىق قۇرعاقشىلىق, سونىمەن قاتار جاۋىن-شاشىن تاپشىلىعى جانە جوعارى تەمپەراتۋرا كۇتىلەدى», دەپ قوستى دەپارتامەنت باسشىسى.
ەستەرىڭىزگە سالا كەتەيىك, بيىل سينوپتيكتەر قازاقستاننىڭ باسىم بولىگىندە جوعارى جانە توتەنشە ءورت قاۋپى ساقتالاتىنىن ەسكەرتتى. مامىر ايىنىڭ وزىندە ەلىمىزدىڭ وڭتۇستىگىندە اۋا تەمپەراتۋراسى 40 گرادۋستان جوعارى بولادى.
