فوتو: kchs.tj
«20 ساۋىردە سارىاعاش قالاسىندا سۋ تاسقىنىنان زارداپ شەككەن قازاقستان حالقىنا گۋمانيتارلىق كومەك تاپسىرۋ ءراسىمى ءوتتى. گۋمانيتارلىق كومەككە ازىق-ت ۇلىك, اۋىز سۋ, قۇرىلىس ماتەريالدارى مەن ءۇي شاتىرلارى كىرەدى. دۋشانبە مەن حۋدجاندتان 61 ۆاگون مەن 13 جۇك كولىگى جونەلتىلدى, ولاردىڭ جالپى سالماعى 3,5 مىڭ توننانى قۇرادى», دەلىنگەن حابارلامادا.
تاجىكستان بيلىگىنىڭ حابارلاۋىنشا, گۋمانيتارلىق جۇكتى توتەنشە جاعدايلار كوميتەتىنىڭ باسشىسى ابدۋحاليم نازارزودا تاپسىرعان. ول ءوز سوزىندە تاجىكستان پرەزيدەنتى ەمومالي راحموننىڭ تاپسىرماسىمەن قازاق حالقىنا قاجەتتى كومەك كورسەتىلەتىنىن ايتتى. قر توتەنشە جاعدايلار ءمينيسترىنىڭ ءبىرىنشى ورىنباسارى باۋىرلاس تاجىك حالقىنا العىس ءبىلدىردى.
ايتا كەتەيىك, بۇعان دەيىن قىرعىزستان قازاقستانعا 300 توننا گۋمانيتارلىق جۇك تيەلگەن 15 جۇك كولىگىن جىبەرگەن ەدى. ونىڭ ىشىندە سۋ, كۇرىش, قاراقۇمىق, كامپيت, شاي جانە باسقا دا ازىق-ت ۇلىك ونىمدەرى, سونداي-اق شاتىرلار, ەلەكتر شامدارى, جىلىتقىشتار, توسەك-ورىن, ماتراتستار, كيىم-كەشەك بولدى. ال 13 ساۋىردە كومەكتىڭ ەكىنشى لەگى – 144 توننا جۇك جونەلتىلدى.
