فوتو: telegram.org/k/#@almatregion
اسحات بەردىحانوۆ 1975 جىلى دۇنيەگە كەلگەن. 2005 جىلى پاۆلودار مەملەكەتتىك ۋنيۆەرسيتەتىن «ونەركاسىپتىك كاسىپورىنداردىڭ ەلەكتر جابدىعى» ماماندىعى بويىنشا, 2009 جىلى قاراعاندى مەملەكەتتىك تەحنيكالىق ۋنيۆەرسيتەتىن «زاڭگەر» ماماندىعى بويىنشا, 2017 جىلى پاۆلودار مەملەكەتتىك ۋنيۆەرسيتەتىن «ەنەرگەتيكا جانە ەلەكتروتەحنيكا» ماماندىعى بويىنشا, 2022 جىلى قاراعاندى تەحنيكالىق ۋنيۆەرسيتەتىن «قۇرىلىس» ماماندىعى بويىنشا بىتىرگەن.
ەڭبەك جولىن 1993 جىلى پاۆلودار تراكتور زاۋىتىندا ەلەكترومونتەر بولىپ باستاعان. ءار جىلدارى قۇقىق قورعاۋ ورگاندارىندا ءارتۇرلى لاۋازىمداردا جۇمىس ىستەدى. بالقاش جىلۋ ەلەكتر ستانتسياسى باسقارما توراعاسىنىڭ ورىنباسارى, «سامۇرىق-ەنەرگو» اكتسيونەرلىك قوعامىنىڭ باس مەنەدجەرى, «الاتاۋ جارىق كومپانياسى» اق باس ينجەنەرى, «Samruk-Kazyna Construction» باسقارماسىنىڭ باستىعى, تۇركىستان وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسىنىڭ ورىنباسارى قىزمەتتەرىن اتقاردى.
