ال ماحاببات – تاۋسىلمايتىن اڭگىمە

«باياعىدا اجەمىز جاقسى كورگەن ادامىڭمەن اڭگىمەڭ بىتپەيدى», دەۋشى ەدى. ونى ەسەيە كەلە باعامدادىق قوي. حالىق اقىنى مۇحتار شا­حانوۆ «جۇ­بايلار بار اڭگىمەسى تاۋسىل­عان, ال ماحاببات – تاۋ­سىلماي­تىن اڭگىمە» دەپ جىرعا قوسقاندا, كوڭىل ءبىر تولقىعان ەدى. بۇدان ارتىق نە ايتۋعا بو­لادى...

راس, ءساۋىر ايى كوكتەمنىڭ ەڭ مەرەيلى مەزەتى, بورتەگۇل گۇلدەپ, سەزىم ويانار شاق. وسى رەتتە وبلىس اكىمدىگى سۇيگەن ارۋىنا ءسوز سالۋعا نيەتتى 15 جىگىتتىڭ تىلەگىن ورىندادى. ءتىپتى جۇز­دەگەن وتباسىن ب.ريموۆا اتىن­داعى تالدىقورعان دراما تەاترىنا شاقىرىپ, «قوزى كور­پەش – بايان سۇلۋ» كۇنىنە ار­نال­عان «سەزىم ءۇشىن…» اتتى كونتسەرت ۇيىمداستىرىپ بەردى.

وسى ىسكە مۇرىندىق بولعان وبلىس اكىمىنىڭ ورىنباسارى مارلەن كولباەۆ سالتاناتتى كەشتىڭ كۋاسى بولىپ, جاستارعا لەبىزىن ءبىلدىردى.

ء«بىز – داستۇرگە باي حالىق­پىز. قوزى مەن باياننىڭ تاع­دىرى ەمەس, ءبىر-بىرىنە دەگەن رياسىز ماحابباتى – جاس­تارعا ناسيحات. 15 جۇپقا قازا­عىمىزدىڭ جاقسى دا ۇلگىلى وتباسىسىنا اينالسىن دەپ تىلەك بىلدىرەمىز. ولاردىڭ ەندى قاتەلەسۋگە قۇقىلارى جوق. سەبەبى وسىلاي كوپشىلىكتىڭ ال­دىندا ءبىر-بىرىنە ءسوز سالىپ, ءبىر-بىرىنە ماحابباتىنا بەرىك بولامىز دەپ ۋادە بەر­گەننەن كەيىن, سول ۋادەلەرىندە تۇرۋ كەرەك دەپ ويلايمىز. جاقسى وتباسى بولسىن. قازاعىمىزدىڭ تاربيەلى, ونەگەلى وتباسىلارى كوبەيە بەر­سىن», دەدى م.كول­باەۆ.

سالتاناتتى جيىندا تەات­ر ارتىستەرى جىردان شاشۋ شاشىپ, كوڭىلگە جىلىلىق ۇيا­لاتار شاعىن قويىلىم قوي­دى. سونداي-اق 15 جۇپ ساحنا تورىندە بولاشاق جارىنا سەزىمىن ءبىلدىردى. وتاۋ قۇرۋعا بەكىنگەن بارلىق جاس وت­با­سىنا گۇل شوقتارى بە­رىلىپ, «تاپتىم-اۋ سەنى» لي­ريكا­لىق دراماسىنا بيلەت تابىس­تالدى. سولاردىڭ ءبىرى – ب.سىرت­تان­ ۇلى اتىنداعى № 25 ورتا مەك­تەبىنىڭ ۇستازى بەيىمبەت سوۆەتبەك.

«مەن ءوزىم № 25 ورتا مەكتەپتە جۇمىس ىستەيمىن. ال مەن ۇناتقان قىز قالاداعى № 9 ءبىلىم ورداسىندا قىزمەت ەتەدى. 15-ءى كۇنىن ارنايى بەل­گىلەدىم. سول مەكتەپتىڭ مۇعا­لىمدەرىمەن الدىن الا كەلىسىپ تە قويدىم. عاشىعىم سول كۇنى اشىق ساباق وتكىزىپ جاتقان ساتتە ءسوز سالدىم. ول مەنى كور­گەن كەزدە قاتتى تاڭعالدى. ۇسى­نىسىمدى وسىلاي جاسادىم», دەيدى ب.سوۆەتبەك.

عاشىقتار كۇنى قارساڭىندا تۇڭعىش رەت 15 جۇپتىڭ تىلەگى ورىندالعان مەرەكەلىك كەش جە­تىسۋ جۇرتىنىڭ ىستىق ىقى­لاسىنا يە بولدى. جاستار ءىس-شا­رانى ۇيىمداستىرعان جان­­­دارعا العاۋسىز اق تىلەگىن اق­­تاردى.

جەتىسۋ وبلىسى