سۋرەت: تجم
وسى ساعاتتا 18 651 ادام ءوز ۇيلەرىنە ورالدى. 6 932 ادام, ونىڭ ىشىندە 3 143 بالا ەۆاكۋاتسيالاۋ پۋنكتتەرىندە قالدى. سۋ تاسقىنى باستالعالى بەرى بارلىعى 117 617 ادام, ونىڭ ىشىندە 43 887 بالا قۇتقارىلىپ, ەۆاكۋاتسيالاندى. 113 852 اۋىل شارۋاشىلىق جانۋارلارى قاۋىپسىز جەرگە ايدالدى.
10 ملن استام تەكشە مەتر ەرىگەن قار سۋى سورىپ شىعارىلدى, 3,1 ملن استام قاپشىق جانە 1,4 ملن استام توننا ينەرتتى ماتەريال توسەلدى.
اقمولا, اقتوبە, قوستاناي, اتىراۋ, سولتۇستىك قازاقستان وبلىستارىندا 5 798 جەكە تۇرعىن ءۇي, 1 130 اۋلا اۋماعى سۋ استىندا قالدى.
زارداپ شەككەن وڭىرلەرگە تەمىرجول, اۆتوموبيل كولىكتەرىمەن جانە اۋە كەمەلەرىمەن 4 211 توننا گۋمانيتارلىق كومەك جەتكىزىلدى.
«تورعاي وزەنى سۋ دەڭگەيىنىڭ كوتەرىلۋى قاۋپىنە بايلانىستى اقتوبە وبلىسى ىرعىز اۋدانى قۇيلىس اۋىلىنىڭ تۇرعىندارى الدىن الا ەۆاكۋاتسيالاندى. ىرعىز اۋدانىندا جاعالاۋدى بەكىتۋ جانە گۋمانيتارلىق كومەك جەتكىزۋ جۇمىستارى جۇرگىزىلىپ جاتىر. تورعاي وزەنىنىڭ سۋ دەڭگەيىنە مونيتورينگ جۇرگىزىلەدى», دەدى قر تجم ازاماتتىق قورعانىس جانە اسكەري بولىمدەر كوميتەتىنىڭ اعا وفيتسەرى ەراسىل سايپاش.
اۆاريالىق-قۇتقارۋ جانە سۋ تاسقىنىنا قارسى جۇمىستارعا 43 976 ادام, 4 633 تەحنيكا, 860 سۋ سورۋ قۇرالى, 332 ءجۇزۋ قۇرالى, 17 اۋە كەمەسى جۇمىلدىرىلدى.
