شاھار باسشىسىنىڭ مالىمدەۋىنشە, قوعامدىق كولىكتەر ءى توپتاعى مۇگەدەكتەردى, «باتىر انا», «التىن القا», «كۇمىس القا» توسبەلگىسى بار انالاردى, تىل ارداگەرلەرىن, زاعيپ جاندار مەن ولاردى الىپ جۇرەتىن كىسىلەردى بۇل كۇندە تەگىن تاسىمالدايدى. سونىمەن قاتار قازىرگى تاڭدا جەتى مەن ون سەگىز جاستاعى مەكتەپ وقۋشىلارى جولاقى قۇنىنىڭ جارتىسىن تولەسە, ستۋدەنتتەردىڭ بيلەت باعاسى 50 تەڭگەنى قۇرايدى. ەندىگى رەتتە جەرگىلىكتى اكىمدىك حالىقتىڭ الەۋمەتتىك جاعدايىن ەسكەرە وتىرىپ, 1 مامىردان باستاپ قوعامدىق كولىكتە تەگىن جۇرەتىن ازاماتتاردىڭ ساناتىن تاعى دا ارتتىرماقشى.
اتاپ ايتقاندا, ەكىنشى دۇنيەجۇزىلىك سوعىس ارداگەرلەرى جانە ولارعا تەڭەستىرىلگەن ارداگەرلەر, باسقا مەملەكەتتەردiڭ اۋماعىندا ۇرىس قيمىلدارىنا قاتىسقاندار, قازاقستاننىڭ ەڭبەك ەرلەرى, سوعىس جىلدارىندا تىلداعى قاجىرلى ەڭبەگى مەن ءمىنسىز اسكەري قىزمەتى ءۇشىن بۇرىنعى كسرو وردەندەرىمەن جانە مەدالدارىمەن ناگرادتالعاندار, ساياسي قۋعىن-سۇرگiن قۇرباندارى, ءىى توپ مۇگەدەكتەرى, مۇگەدەكتىگى بار بالالار, 70 جاستان اسقان زەينەتكەرلەر, مەكتەپ وقۋشىلارى.
ءوز كەزەگىندە قالا اكىمى جولاۋشىلار تاسىمالىن ۇيىمداستىرۋ مەن ونىڭ ساپاسى اكىمدىكتىڭ تىكەلەي باقىلاۋىندا تۇرعانىن, وسىناۋ قىزمەتتى جاقسارتۋعا اتقارۋشى بيلىك تاراپىنان بارلىق مۇمكىندىك جاسالىپ جاتقانىن جەتكىزدى.
شىمكەنت
