قوستاناي وبلىسى قامىستى اۋداندىق سوتىندا جىمقىرۋ, ياعني سەنىپ تاپسىرىلعان بوتەننىڭ مۇلكىن قىزمەتتىك ەرەجەنى پايدالانا وتىرىپ, ءىرى مولشەردە ۇرلاعانى ءۇشىن كىنالى دەپ تانىلعان ت.-عا قاتىستى قىلمىستىق ءىس قارالدى (قك 189-بابى 3-بولىگى 1-تارماعى).
سوتتا 2022 جىلعى 1 ماۋسىم مەن 2023 جىلعى 16 تامىز ارالىعىندا ت. ءوزىنىڭ قىزمەتتىك جاعدايىن پايدالانا وتىرىپ (بۋحگالتەر-كاسسير) كاسىپورىن كاسساسىنان 8 600 000 تەڭگەدان استام سومادا قولما-قول اقشا قاراجاتىن الىپ, جەكە قاجەتتىلىكتەرىنە جۇمساعانى انىقتالدى.
سوت وتىرىسىندا ت. ءوزىنىڭ كىناسىن تولىق مويىندادى, جاساعان ىسىنە وكىنىش ءبىلدىردى.
سوت جارىسسوزدەرىندە مەملەكەتتىك ايىپتاۋشى ت.-عا 3 جىل 6 اي مەرزىمگە باس بوستاندىعىن شەكتەۋ تۇرىندەگى جازانى تاعايىنداۋدى, ۇيىمداردا 4 جىل مەرزىمگە بۋحگالتەرلىك ەسەپتى ورىنداۋعا بايلانىستى لاۋازىمداردى اتقارۋ قۇقىعىنان ايىرۋدى سۇرادى.
ونىڭ قىلمىستىق قۇقىق بۇزۋشىلىق جاساۋداعى كىناسى ءوزىنىڭ مويىنداۋ ايعاقتارىنان باسقا, كۋاگەرلەردىڭ ايعاقتارىمەن, ساراپتاما قورىتىندىسىمەن جانە ءىستىڭ باسقا ماتەريالدارىمەن راستالدى.
سوت ت.-نىڭ شىن جۇرەكتەن وكىنۋ مەن جاس بالالاردىڭ بولۋىن قىلمىستىق جاۋاپكەرشىلىگى مەن جازاسىن جەڭىلدەتەتىن جاعدايلار رەتىندە تانىدى.
ءىس بويىنشا قىلمىستىق جاۋاپتىلىق پەن جازانى اۋىرلاتاتىن ءمان-جايلار بەلگىلەنبەگەن.
جەكە باسىن, جاسالعان ءىس-ارەكەتتىڭ سيپاتىن جانە قوعامدىق قاۋىپتىلىك دارەجەسىن, باس بوستاندىعىن شەكتەۋ تۇرىندە جازا تاعايىنداۋدى سۇراعان جابىرلەنۋشىنىڭ پوزيتسياسىن ەسكەرە وتىرىپ, سوت ت.-عا پروباتسيالىق باقىلاۋ بەلگىلەپ 3 جىل 6 اي مەرزىمگە باس بوستاندىعىن شەكتەۋ, 4 جىل مەرزىمگە ۇيىمداردا بۋحگالتەرلىك ەسەپ پەن كاسسير لاۋازىمدارىن ورىنداۋعا بايلانىستى لاۋازىمداردى اتقارۋ قۇقىعىنان ايىرۋ تۇرىندەگى جازانى تاعايىندادى.
زالالدى ءىشىنارا وتەۋدى ەسكەرە وتىرىپ, ازاماتتىق تالاپ تولىق كولەمدە قاناعاتتاندىرىلدى.
ۇكىم زاڭدى كۇشىنە ەنگەن جوق.
