فوتو: ۆيدەودان كادر
بۇعان دەيىن الەۋمەتتىك جەلىدە ەسەنتاي وزەنىندەگى سۋدىڭ اعىنى جىلدام ەكەنىن اڭعارتقان ۆيدەو پايدا بولعان ەدى.
ايتا كەتەيىك, قالا ارقىلى ءتورت وزەن – اقساي, قارعالى, ۇلكەن جانە كىشى الماتى اعىپ وتەدى.
«جاۋىن-شاشىنعا بايلانىستى وزەندەردە سۋ دەڭگەيىنىڭ شامالى كوتەرىلۋى, سونداي-اق كولبەۋ اعىنعا بايلانىستى سۋ لايلانۋىنىڭ 2 باللعا دەيىن ارتۋى بايقالادى. قازىرگى ۋاقىتتا «قازسەلدەنقورعاۋ» مم الماتى قالالىق پايدالانۋ تەحنيكالىق باسقارماسىنىڭ 10 گيدروپوستى جۇمىس ىستەپ تۇر, ولار تاۋلىك بويى وزەندەردەگى گيدرومەتەورولوگيالىق جاعدايدى باقىلايدى», دەپ حابارلادى الماتى قالالىق تجد ءباسپاسوز قىزمەتى.
سونداي-اق «قازسەلدەنقورعاۋ» ماماندارى سەلدەن قورعايتىن قۇرىلىستاردىڭ تەحنيكالىق جاعدايىنا تەكسەرۋ جۇرگىزىپ جاتىر. توتەنشە جاعدايلار دەپارتامەنتى مەن «قازسەلدەنقورعاۋ» الماتى وزەندەرىندەگى جاعداي تۇراقتى ەكەنىن مالىمدەدى.
«26 ناۋرىزدان باستاپ قالالىق توتەنشە جاعدايلار دەپارتامەنتىنىڭ جەكە قۇرامى قىزمەتتىڭ كۇشەيتىلگەن رەجيمىنە كوشتى, جەدەل شتاب جۇمىس ىستەپ جاتىر, سونىمەن قاتار «قازسەلدەنقورعاۋ» قالالىق فيليالىنان كۇن سايىن 20 ادامنان تۇراتىن مەحانيكالاندىرىلعان بريگادا جاساقتالىنادى», دەپ قوستى قالالىق تجد باستىعى نۇرلان اتىعاەۆ.
ەستەرىڭىزگە سالا كەتەيىك, 16 ءساۋىر كۇنى تاڭعى ساعات 4:00-دە الماتىدا جاڭبىر جاۋدى. «قازگيدرومەت» رمك مالىمەتى بويىنشا, ساعات 9:00-دە قالادا 14 ميلليمەتر, مەدەۋدە 21 ميلليمەتر, كامەن ۇستىرتىندە 28 ميلليمەتر جاۋىن-شاشىن جاۋعان. سينوپتيكتەردىڭ بولجامىنا سايكەس, وتكىنشى جاڭبىر 17 ساۋىرگە دەيىن جاۋادى.
