فوتو: democrat.kz
ءىىم وكىلدەرى توتەنشە جاعداي كەزىندە تۇرعىنداردىڭ پسيحولوگيالىق جاعدايى تۇراقسىز بولاتىنىن پايدالانىپ, جالعان اقپارات تاراتقانداردى تاپتى.
ماسەلەن, TikTok الەۋمەتتىك جەلىسىندە «پەتروپاۆلداعى سۋ باسقان ويقالا اۋدانىندا سۋمەن بىرگە قاسقىرلار مەن جابايى قاباندار پايدا بولدى» دەگەن حابارلاما شىقتى. جالعان اقپاراتتى قالانىڭ 20 جاستاعى تۇرعىنى تاراتقانى انىقتالدى.
ونىڭ قۇرداسى ءدال وسى الەۋمەتتىك جەلىدە «تاسقىن سۋدان ەكى بالا قايتىس بولدى» دەگەن اقپارات تاراتقان. بۇل اقپارات تا وتىرىك بولىپ شىقتى.
«شىندىققا سايكەس كەلمەيتىن اقپاراتتى تاراتۋشىلاردىڭ ەكەۋىنە دە قاتىستى اكىمشىلىك ماتەريال جينالادى. قر اكىمشىلىك قۇقىق بۇزۋشىلىق تۋرالى كودەكسىنىڭ 456-2-بابىنىڭ 3-بولىگىنە سايكەس ولارعا 20 ايلىق ەسەپتىك كورسەتكىشكە دەيىن ايىپپۇل سالىنادى», دەپ حابارلادى سقو پد ەكسترەميزمگە قارسى ءىس-قيمىل باسقارماسى.
