تەمىر مەن مىستان جاسالعان جەبە ۇشتارىن مۇراجاي قورىنا جەرگىلىكتى تۇرعىن, ورمانشى سەرىك تۋعامباەۆ تاپسىرىپتى.
جەبە ۇشتارى قارقارالى اۋماعىنداعى ەسكى قورعان ورنىنان تابىلعان.
– جەبە ۇشتارىنىڭ ۇزىندىعى 5-10 سانتيمەترگە دەيىن جەتەدى. كونە جادىگەر جاقسى ساقتالعان. ەكى جانە ءۇشبۇرىشتى پىشىندەگىلەرى مۇزدىقتار مەن نايزالارعا ۇقساسا, كىشكەنتاي جەبە ۇشتارى مىستان جاسالعان ىسقىرىق وقتارعا ۇقسايدى. سەرىك تۋعامباەۆ كونە جادىگەرلەردى قالماقتار قورعانىنان تاۋىپ العان. ولار جارتاسقا سوعىلعان, – دەيدى مۇراجاي قورىنىڭ ساقتاۋشىسى ايتبانۋ قادىروۆا.
مۇنىمەن قوسا, بۇل مۇراجاي كۇي ءتاڭىرى تاتتىمبەت قازانعاپ ۇلىنىڭ نەمەرەسى شايحى مۇساتاي ۇلىنىڭ دومبىراسى, داۋىلپاز اقىن قاسىم امانجولوۆتىڭ جەكە زاتتارى, مەملەكەت قايراتكەرى جاقىپ اقباەۆتىڭ ساماۋرىنى مەن كورپەسى سەكىلدى سيرەك كەزدەسەتىن جادىگەرلەرگە باي.
قاراعاندى وبلىسى,
قارقارالى اۋدانى
