جۇكتىڭ كولەمى – 40 توننا. جولعا شىققان گۋمانيتارلىق كومەك كەرۋەنىندە نەگىزگى قاجەتتىلىكتەر قامتىلدى. ازىق-ت ۇلىك, كيىم-كەشەك, سانيتارلىق-گيگيەنالىق بۇيىمدار, توسەنىش جابدىقتارى, گەنەراتورلار, كۇرەكتەر, جارىق شامدارى, شاتىرلار سەكىلدى كەرەك زاتتار جينالدى.
اعايىنعا كولەڭكە جول تارتقان جۇك كولىكتەرىنە وبلىس اكىمىنىڭ ورىنباسارى ەرلان قۇسايىن اق جول تىلەپ, مۇنداي يگىلىكتى ءىستىڭ ارمەن قاراي جالعاساتىنىن جەتكىزدى.
– قازاقستان حالقى اسسامبلەياسىنىڭ دوستىق ۇيىندە ارنايى وڭىرلىك شتاب قۇرىلىپ, ەتنو-مادەني بىرلەستىكتەردىڭ, كاسىپكەرلەردىڭ, تۇرعىنداردىڭ ارقاسىندا كومەك جينالدى. ەكى جۇك كولىگىمەن 40 تونناعا جۋىق ازىق-ت ۇلىك جانە سۋ تاسقىنىنا قاجەتتى قۇرال-جابدىقتار جىبەرىلدى. بۇل جۇمىس جالعاسىن تابادى. وسى يگى ىسكە مۇرىندىق بولىپ, باسى-قاسىندا جۇرگەن بارشا ازاماتقا, قاراعاندىلىقتارعا العىسىمدى بىلدىرەمىن. ازاماتتىڭ ازاماتتىعى وسىنداي قيىن-قىستاۋ كۇندەردە سىندارلى ساتتەردە بىلىنەتىنى ءسوزسىز. سوندىقتان بىرگە بولايىق! ەلىمىز وسىنداي ۋاقىتشا قيىندىقتان جىلدام شىعىپ, وڭالىپ كەتۋىنە تىلەكتەسپىن, – دەدى ە.بەيسەمباي ۇلى.
بۇعان قوسا «Victory Trans» جشس كاسىپورنى جۇكتەردى تاسىمالداۋ بويىنشا شىعىنداردى تولىعىمەن ءوز موينىنا الىپ, جومارتتىق تانىتتى. گۋمانيتارلىق كومەكتى جيناۋعا قازاقستان حالقى اسسامبلەياسىنىڭ مۇشەلەرى, ەتنو-مادەني بىرلەستىكتەر وكىلدەرى, كاسىپكەرلەر, ەرىكتىلەر, جاستار, بلوگەرلەر, ءوڭىر تۇرعىندارى بەلسەنە قاتىسىپ, ءبىر كىسىدەي جاردەمدەستى.
– جولعا شىققان كۇننىڭ ەرتەڭىندە قوستانايعا امان-ەسەن جەتتىك. ارقا جۇرتىنىڭ امانات ەتىپ تاپسىرعان گۋمانيتارلىق كومەگىن قابىلداۋ پۋنكتىنە تاپسىردىق. قوستانايلىقتار قيىن-قىستاۋ كەزەڭدە قاراعاندى جۇرتىنا بىرگە بولعاندارى ءۇشىن, اق پەيىلى ءۇشىن العىسىن جاۋدىرىپ جاتىر, – دەيدى قازاقستان حالقى اسسامبلەياسىنىڭ مۇشەسى دۋمان مالاەۆ.
قاراعاندى وبلىسى
