فوتو: dalanews.kz
كۇنى كەشە شىعىس قازاقستاننىڭ جۇرتى سۋدان زارداپ شەككەن سولتۇستىك قازاقستان وبلىسىنا گۋمانيتارلىق كومەك جونەلتتى. بىرنەشە كۇن بۇرىن دوستىق ءۇيى مەن وڭىرلىك ۆولونتەرلەر فرونت-ءوفيسى قالادان ەكى بەكەت اشىپ, ءبىر اپتا ىشىندە 20 تونناعا جۋىق گۋمانيتارلىق كومەك جينادى. كومەك كورسەتۋگە جاستار جانە ۆولونتەرلىك ۇيىمدار, ەتنومادەني بىرلەستىكتەر, كاسىپكەرلەر, جوعارى وقۋ ورىندارى مەن وبلىس تۇرعىندارى بەلسەنە قاتىستى.
– ءتىلسىز جاۋدان زارداپ شەگىپ جاتقان تۇرعىنداردىڭ جاعدايى جانىمىزعا باتتى. باسپانادان, مال-م ۇلىكتەن ايىرىلۋ – وڭاي ەمەس. تابيعاتتىڭ توسىن مىنەزىنەن زارداپ شەگىپ جاتقان وڭىرلەرگە از دا بولسا, قولۇشىن بەرەيىك دەپ «جۇرەكتەن – جۇرەككە» اتتى اكتسيا باستاعان ەدىك. بۇگىن سولتۇستىك قازاقستان وبلىسىنا گۋمانيتارلىق كومەك جىبەرىلەدى. تۇرعىنداردىڭ كومەگىمەن 20 تونناعا جۋىق ازىق-ت ۇلىك, توسەك-ورىن, باسقا دا قاجەتتى زاتتار جينالدى, – دەيدى شقو قازاقستان حالقى اسسامبلەياسى «Teatr-all» جاستار تەاترىنىڭ كوركەمدىك جەتەكشىسى نازەركە ايدىنوۆا.
كومەك جيناۋعا وبلىستىڭ مەملەكەتتىك مەكەمەلەرىنەن بولەك باسقا دا ازاماتتار, كاسىپكەرلەر اتسالىستى. ماسەلەن, كۇرشىم, التاي اۋداندارىنىڭ تۇرعىندارى ازىق-ت ۇلىك جەتكىزسە, «Normal Nomad» جشس 5 توننا ۇن بولگەن. ال حاليفا التاي وبلىستىق مەشىتى كومەك بەرىپ قانا قويماي, گۋمانيتارلىق زاتتاردى جەتكىزۋ ءۇشىن ارنايى كولىكپەن دە قامتاماسىز ەتتى.
– قارجىلاي قولداۋ كورسەتكەن كاسىپكەرلەر دە بولدى. وسى ورايدا قولۇشىن سوزعان بارلىق ءوڭىر جۇرتىنا شىن جۇرەكتەن العىس ايتقىم كەلەدى. بۇگىن شىعىستان كومەك جونەلتىلەدى. بىراق ءبىز وسىمەن گۋمانيتارلىق كومەك جيناۋدى توقتاتپايمىز. سەبەبى توتەنشە جاعداي جاريالانعان وڭىرلەرگە ءالى دە كومەك كەرەك. ولارعا قولىمىزدان كەلگەنشە ازىق-ت ۇلىكپەن, ءدارى-دارمەكپەن قولداۋ كورسەتىپ, قيىن شاقتا دەمەۋىمىز كەرەك. بىرىكسەك قانا بارلىعىنا توتەپ بەرەمىز, – دەدى شتاب توراعاسى راۆيل يۋنۋسوۆ.
كومەك قولىن سوزۋدا وبلىستىڭ ۋنيۆەرسيتەتتەرى دە قالىس قالعان جوق. س.امانجولوۆ اتىنداعى شىعىس قازاقستان ۋنيۆەرسيتەتىنىڭ ۇجىمى سۋ باسقان وڭىرلەردىڭ تۇرعىندارىنا بىركۇندىك جالاقىلارىن اۋدارۋ تۋرالى شەشىم قابىلدادى. ايتا كەتەيىك, شقۋ-دا مىڭعا جۋىق ادام ەڭبەك ەتەدى. بۇعان دەيىن وقۋ ورنى ۇجىمى اقتوبە وبلىسىنا گۋمانيتارلىق كومەك جونەلتكەن. اتاپ ايتساق, ازىق-ت ۇلىك, سۋدى تازارتاتىن سۇزگىلەر, گيگيەنالىق زاتتار, تۇرمىستىق حيميا, ءدارى-دارمەكتەر, كورپە-جاستىقتار بار.
ال قازاق-امەريكا ەركىن ۋنيۆەرسيتەتى ۇجىمى قوستاناي وبلىسىنىڭ تۇرعىندارى ءۇشىن گۋمانيتارلىق كومەك جينادى. ولار وبلىستىق ەرىكتىلەر فرونت-كەڭسەسىنە زارداپ شەككەن تۇرعىندارعا قاجەتتى-اۋ دەگەن زاتتاردى ساتىپ الىپ, تاپسىردى. مىسالى, جاڭا توسەك-ورىن جيناقتارى (جاستىقتار, كورپەلەر, ماتراستار), سۇلگىلەر, ىستىق تاماق تەرموستارى, تۇرمىستىق كەرەك-جاراقتار جانە باسقا زاتتار.
– ءبىزدىڭ ۋنيۆەرسيتەتتە قيىن جاعدايعا تاپ بولعاندارعا قاجەتتى قولداۋ كورسەتۋگە ارقاشان دايىن. وتكەن جىلى تابيعي ورتپەن كۇرەسكەن كەزدە قاەۋ-دە اباي وبلىسىنا گۋمانيتارلىق جۇك جينالىپ, جونەلتىلدى. بۇگىن وبلىستىق ەرىكتىلەر فرونت-كەڭسەسىنە سۋ تاسقىنىنان زارداپ شەككەندەر ءۇشىن بارلىق قاجەتتى زاتتاردى تاپسىردى. گۋمانيتارلىق كومەك قوستاناي وبلىسىنا جىبەرىلەدى, – دەدى قاەۋ جاستار ساياساتى جونىندەگى پرورەكتورى ناتاليا ۋرازوۆا.
ءيا, جوعارىدا ايتىپ وتكەندەي گۋمانيتارلىق كومەك جيناۋ جۇمىستارى شىعىستا وسىمەن توقتامايدى. اتالعان مەكەنجايلار بويىنشا كومەك جيناۋ جۇمىستارى جالعاسىن تابا بەرمەك.
شىعىس قازاقستان وبلىسى
