اۋكەن ماشكەەۆ - قر ەڭبەك سىڭىرگەن قىزمەتكەرى, قازاقستاننىڭ پروفيلاكتيكالىق مەديتسينا اكادەمياسىنىڭ اكادەميگى, پروفەسسور, مەديتسينا عىلىمدارىنىڭ دوكتورى, عىلىم سالاسىنداعى مەملەكەتتىك سىيلىقتىڭ لاۋرەاتى, قازاقستاننىڭ "پەدياترلار وداعى" قب باسقارما توراعاسىنىڭ ورىنباسارى, "پەدياتريا جانە بالالار حيرۋرگياسى" جۋرنالىنىڭ باس رەداكتورى بولعان.
قۇرمەتتى دارىگەر, ۇستاز, بۇكىل ءومىرىن بالالار دەنساۋلىعىن زەرتتەۋگە ارناعان كورنەكتى عالىم, اسقان يننوۆاتور, پەدياتريا سالاسىنداعى بىرقاتار عىلىمي پاتەنتتەردىڭ يەگەرى بولدى.
اۋكەن قياس ۇلى بالالارداعى تسەلياكيا اۋرۋىن, ويىق جارا اۋرۋىن, ديسباكتەريوزدى ەمدەۋدىڭ جاڭا ادىستەرىن, ديەتوتەراپيانى ۇسىندى جانە ەنگىزدى.
- ەلدىڭ دەنساۋلىق ساقتاۋ جۇيەسى, پەدياتريالىق قوعامداستىق سالانىڭ ەڭبەك سىڭىرگەن قايراتكەرى, ءوز ءىسىنىڭ قاجىماس ەنتۋزياستى, تالانتتى دارىگەر, بەدەلدى تالىمگەردىڭ ومىردەن وزۋىنا بايلانىستى ورنى تولماس قايعىعا ۇشىرادى.
وسىعان بايلانىستى ءوز اتىمنان جانە دەنساۋلىق ساقتاۋ مينيسترلىگى ۇجىمىنىڭ اتىنان اۋكەن قياس ۇلى ماشكەەۆتىڭ بارلىق تۋىستارى مەن جاقىندارىنا قايعىلارىنا ورتاقتاسىپ, قايعىرىپ كوڭىل ايتامىن, - دەيدى دەنساۋلىق ساقتاۋ ءمينيسترى اقمارال ءالنازاروۆا.
