«قازاقستان اۋماعىنىڭ قارمەن جابىلعان اۋدانى 7 پايىزدى قۇرايدى. سينوپتيكالىق بولجامعا سايكەس, 13-19 ساۋىردە قازاقستان اۋماعىنىڭ باسىم بولىگىندە اۋا رايىنىڭ تۇراقسىز سيپاتى ساقتالادى. جاۋىن-شاشىن جاڭبىر تۇرىندە بولادى دەپ بولجانۋدا. قازاقستاننىڭ سولتۇستىك-باتىسىندا, سولتۇستىگىندە, شىعىسىندا, ورتالىعىندا - 14-15 ساۋىردە ۇلىتاۋ, اقتوبە, سولتۇستىك قازاقستان وبلىستارىندا, 14-16 ساۋىردە قاراعاندى وبلىسىندا, 14-17 ساۋىردە قوستاناي وبلىسىندا, 15-16 ساۋىردە اقمولا, پاۆلودار وبلىستارىندا, 16-19 ءساۋىر شىعىس قازاقستان وبلىسىندا تۇندە جاڭبىر قارعا ۇلاسۋى مۇمكىن. قاتتى جاڭبىر 13-14 جانە 16 ساۋىردە تۇركىستان وبلىسىندا, 14-16 ساۋىردە الماتى, جامبىل وبلىستارىندا, 16 ساۋىردە جەتىسۋ وبلىسىندا بولادى دەپ بولجانۋدا», - دەدى ول ورتالىق كوممۋنيكاتسيالار قىزمەتىندەگى بريفينگتە.
ونىڭ ايتۋىنشا, جاۋىن-شاشىن ەلىمىزدىڭ باتىسىندا, سولتۇستىك-باتىسىندا, وڭتۇستىگىندە 17 ساۋىردەن باستاپ, رەسپۋبليكانىڭ سولتۇستىگىندە 19 ساۋىردەن باستاپ توقتايدى. سونىمەن قاتار كەلەسى اپتادان باستاپ ەلىمىزدىڭ بارلىق اۋماعىندا كۇن جىلىنا باستايدى.
