ءماجىلىس دەپۋتاتتارى ەدىل جاڭبىرشين, ابزال قۇسپان, رينات زايتوۆ, ماقسات تولىقباي, نارتاي سارسەنعاليەۆ اتىراۋ وبلىسىنا بارىپ, بوگەت سوعىلىپ جاتقان ايماقتاردى ارالادى. الدىمەن سوكولوك كانالى اۋماعىنداعى تاسقىن سۋدىڭ الدىن الۋ بويىنشا اتقارىلىپ جاتقان جۇمىستارمەن تانىستى. بۇل ۋچاسكەگە اتىراۋ قالاسىنداعى جۇلدىز ىقشام اۋدانى جانە اقساي, اقجار, تالقايراڭ, بەسىكتى اۋىلدارىنىڭ ماڭايلارى كىرەدى.
مۇندا ۇزىندىعى 15 شاقىرىمدى قۇرايتىن دامبا سالىنىپ جاتىر. بۇگىندە ونىڭ 8 شاقىرىمى اياقتالعان.
دەپۋتات ەكاتەرينا سمىشلياەۆا قوستاناي وبلىسى قاراسۋ اۋدانىنىڭ تۇرعىندارىن ەۆاكۋاتسيالاۋعا قاتىستى. مۇندا 39 ەلدى مەكەننىڭ 8-ءىن سۋ باسقان. ال قارامىرزا اۋىلىندا 33 اۋلا مەن 53 تۇرعىن ءۇي زاقىمدانعان.
جەرگىلىكتى تۇرعىندارمەن كەزدەسۋدە ماجىلىسمەن سۋ تاسقىنىنان زارداپ شەككەندەر تۇرعىندارعاقانداي وتەماقى تولەنەتىنىن ءتۇسىندىردى. ول ءۇشىن ارنايى كوميسسيا شىعىندى تولىق ەسەپتەيدى. تۇرعىن ۇيلەرى ب ۇلىنگەن ازاماتتاردىڭ ءتىزىمىن جەرگىلىكتى اكىمدىكتەر جاسايدى.
«قازىر جەرگىلىكتى اتقارۋشى ورگاندار قالپىنا كەلتىرۋگە بولاتىن ءۇيلەرءدى جوندەۋ بويىنشا جۇمىسقا كىرىسەتىندەرىن ايتتى. ال قالپىنا كەلتىرۋگە مۇمكىندىك بولماسا, ۇكىمەت مالىمدەگەندەي, جاڭا ۇيلەر سالىنادى. ەگەر ول ۋچاسكەلەر سۋ باسىپ قالعان اۋماقتاردا بولسا, وندا باسقا جەر بەرىلەدى. بۇل ماسەلە قالاي دا شەشىلەدى», دەءدى ەكاتەرينا سمىشلياەۆا.
بۇگىندە قوستاناي وبلىسىندا سۋ تاسقىنى باسىلىپ كەلەدى. وڭىردە قاراسۋ جانە قوستاناي اۋداندارىنىڭ التى ەلدى مەكەنىندە, سونداي-اق وبلىس ورتالىعىندا 150-دەن استام جەكە تۇرعىن ءۇي ءالى دە سۋ باسۋ اۋماعىندا قالىپ وتىر.
دەپۋتات ۆەرا كيم پاۆلودار وبلىسىنداعىجۇمىسىن جالعاستىرۋدا. ول اتامەكەن جانەكەنجەكول اۋىلىنداعى بوگەتتەردىڭ, بەكىنىستەر مەن جاعالاۋلاردىڭ تەحنيكالىق جاعدايىمەن تانىستى.
مۇندا سۋ تاسقىنىنىڭ ءبىرىنشى كەزەڭى اپاتسىز ءوتتى. ەرتىس وزەنىنىڭ بويىندا ورنالاسقان جوعارى ەرتىس سۋ قويمالارىنان شىعىس قازاقستان وبلىسىنا سۋدىڭ ەكىنشى تولقىنى كەلۋى مۇمكىن.تاسقىننىڭ الدىن الۋ ءۇشىن جاعالاۋلاردى نىعايتۋعا توپىراق اكەلءىنىپ جاتىر. اتامەكەنگە 2 مىڭ توننا, كەنجەكولگە 6,5 مىڭ توننا قۇم جەتكىزىلدى.
تاسقىن اقسۋ قالاسىنا دا قاۋىپ ءتوندىرءىپ وتىر. قالانىڭ وڭتۇستىك-شىعىس جاعىنا جەر ءۇستى بوگەتتەرى تۇرعىزىلدى. سونداي-اق ەرتىس وزەنىنىڭ جاعالاۋىندا ۇزىندىعى 1020 م, بيىكتىگى 4,5 م قورعانىس قۇرىلىستارى سالىنىپ, 3 مىڭ توننادان استام توپىراق جۇمسالدى.
ساراپشىلارمەن جانە ۆەدومستۆولىق قۇرىلىمداردىڭ وكىلدەرىمەن اڭگىمەلەسۋبارىسىندا ۆەرا كيم ەسكەرتۋ جۇيەلەرىن تەكسەرۋ, ەۆاكۋاتسيالاۋ ورىندارىن انىقتاۋ جانە جاعدايدى ۇنەمى باقىلاۋدا ۇستاۋ قاجەتتىگىنە نازار اۋداردى. قازىر قۇتقارۋشىلار ەلدى مەكەندەردە تاۋلىك بويى كەزەكشىلىك ەتىپ, ماماندار بەكىنىستەردى تەكسەرىپ جاتىر.
