ءابدىمومىن جەلدىباەۆ 1937 جىلى 15 قازاندا جامبىل وبلىسى شۋ اۋدانىندا تۋعان. جامبىل مادەني اعارتۋ ۋچيليششەسىن, الماتى كونسەرۆاتورياسىن بىتىرگەن. 1964 جىلدان شۋ اۋداندىق مادەنيەت ءبولىمىنىڭ مەڭگەرۋشىسى بولدى. 30 جىلدان استام ۋاقىت «شۋ ەركەسى» حالىق اسپاپتار انسامبلىنە جەتەكشىلىك ەتتى. «قۇرمەت» وردەنىمەن ماراپاتتالعان.
كومپوزيتوردىڭ «ارمان قۇس», «تولعاۋ», «جەسىر سازى», «ىدىرىس», «اققۋ», «اباي ارمانى», «جامبىل تولعاۋى», «تۇران ەلى» سياقتى 70-تەن استام كۇيى مەن ءانى بار. كۇيشىنىڭ «ەركە سىلقىم» كۇيى حالىققا كەڭىنەن تارالعان. اتاقتى تۋىندىنىڭ قۇرمەتىنە 2011 جىلى شۋ قالاسىندا ەسكەرتكىش ورناتىلعان.
