الەۋمەتتىك جەلىدە الماتىداعى تۇرعىن ءۇي كەشەنىنىڭ اۋلاسىندا ەر ادام ايەلدىڭ تەلەفونىن جەرگە لاقتىرىپ, سىندىرىپ, كەيىن ايەلدى اياۋسىز ۇرىپ-سوققان ۆيدەوسى تارادى.
جازبا اۆتورى جاننا احمەتوۆا ءوزىنىڭ الەۋمەتتىك جەلىدەگى پاراقشاسىندا ايەلدىڭ ەسىمى سالتانات ەكەنىن جازعان. ايەل 11 جىل وتباسىلىق ومىردەن كەيىن اجىراسۋعا شەشىم قابىلدادى. بالالارىن الىپ, تارازدان الماتىعا كوشتى. اۆتوردىڭ ايتۋىنشا, قازىر ونىڭ بۇرىنعى كۇيەۋى كەلىپ اڭدىپ, قايتا ورالۋعا ماجبۇرلەپ ءجۇر.
«پوليتسيا بۇل فاكتى بويىنشا تەرگەۋ جۇرگىزىپ جاتىر. جينالعان ماتەريالدار قىلمىستىق ءجابىر كورسەتۋشىنى جاۋاپكەرشىلىككە تارتۋ ءۇشىن سوتقا جىبەرىلدى», دەپ حابارلادى الماتى پوليتسياسى.
ەسكە سالا كەتەيىك, بۇعان دەيىن الماتىدا بەلگىسىز ەر ادام ورىندىقتا وتىرعان ايەلگە شابۋىل جاساعان ەدى.
