اتالعان كەن ورنىن يگەرىپ جاتقان «تەڭىزشەۆرويل» جشس ۇكىمەتپەن جانە جۇرتشىلىقپەن بايلانىس ءبولىمىنىڭ باس مەنەدجەرى ايبەك قرامباەۆتىڭ مالىمەتىنە سۇيەنسەك, كومپانيا جىلىوي اۋدانىنداعى سۋ تاسقىنىنىڭ زاردابىن جويۋعا 2 ملرد تەڭگە ءبولىپ وتىر.
ء«بىزدىڭ كومپانيا 2-4 ءساۋىر ارالىعىندا جىلىوي اۋدانىنا تاسقىن سۋعا قارسى جۇمىستار ءۇشىن 90-عا جۋىق ارنايى تەحنيكا, اۆتوبۋستار, ازىق-ت ۇلىك جانە جانار-جاعارماي جىبەردى. تۇرعىن ءۇيىن سۋ باسقان تۇرعىندار ءۇشىن ۆاحتالىق كەنتتەگى جاتاقحانالاردان ارنايى ورىن دايىندالدى. مۇنداي كومەك ءالى دە جالعاسادى», دەيدى ا.قرامباەۆ.
جىلىويلىق تۇرعىندار ۆاحتالىق كەنتتەگى جاتاقحانالارعا كومپانيانىڭ اۆتوبۋستارىمەن ەۆاكۋاتسيالاندى. ولاردىڭ دەنى – بالالى ايەلدەر مەن قارتتار. اراسىندا جۇكتى انالار بار. ەۆاكۋاتسيالانعان تۇرعىنداردىڭ ءبارى جاتىن ورنىمەن, ىستىق تاعاممەن, قاجەتتى مەديتسينالىق كومەكپەن قامتىلىپ وتىر. تۇرعىندار كۇن سايىن مەديتسينالىق تەكسەرۋدەن وتكىزىلەدى. جۇكتى انالاردىڭ دەنساۋلىعىن قاداعالاۋ ءۇشىن ارنايى مامان شاقىرىلدى. مۇندا اسىرەسە بالالارعا ەرەكشە كوڭىل ءبولىنىپ وتىر. ويتكەنى جاتاقحاناداعى جاعدايعا تەز ۇيرەنە الماۋى مۇمكىن. سول سەبەپتەن بالالار ءۇشىن ءتۇرلى ويىن ۇيىمداستىرىلادى. ءتىپتى ارنايى كينوتەاتر اشىلعان. بالالارعا قازىر ەلىمىزدىڭ ەڭ ءىرى كينوتەاترلارىندا كورسەتىلىپ جاتقان مۋلتفيلمدەر ۇسىنىلادى.
تۇرعىندارعا تشو مەن مەردىگەر مەكەمەلەردىڭ قىزمەتكەرلەرىنەن بولەك ەرىكتىلەر دە كومەككە كەلگەن. كومپانيا قىزمەتكەرلەرى گۋمانيتارلىق كومەك جيناپ, ۇشاقپەن «تەڭىزدەگى» ۆاحتالىق كەنت پەن قۇلسارى قالاسىنا جەتكىزىپ جاتىر.
«قازىر بارىنە وڭاي ەمەس ەكەنىن بىلەمىز. قۇلسارىعا تاسقىن سۋ كىرە سالىسىمەن زاتتارىمىزدى جيناپ, تۇندە ۆاحتالىق قالاشىققا كەلدىك. جاتاقحانا بولسا دا, ءومىر سۇرۋگە جاقسى جاعداي جاسالىپ وتىر. ءوز ۇيىمىزگە ەشتەڭە جەتپەيدى عوي, بىراق قاۋىپسىزدىكتى سەزىنە باستادىق. اسحانادا تاعامنىڭ ءتۇر-ءتۇرى بار. مەيرامحاناداعىداي اس مازىرىنە تاڭداۋ جاساۋعا بولادى. قىزمەتكەرلەر بىزگە جاقسى قىزمەت كورسەتەدى», دەيدى جىلىويلىق تۇرعىن ماقپال شاحارباەۆا.
قۇلسارى قالاسىن سۋ باسقاندا الدىمەن «اspar Kashagan» جشس كومەككە ۇمتىلىپتى. بۇل سەرىكتەستىك – «تەڭىزشەۆرويل» جشس-نىڭ مەردىگەرلەرىنىڭ ءبىرى. اتالعان سەرىكتەستىك باسشىلىعى تەحنيكالىق قولداۋ مەن گۋمانيتارلىق كومەكتەن بولەك ۆاحتالىق كەنتتەگى جاتاقحانالارعا 700-دەن اسا ادامدى قابىلداۋعا شەشىم قابىلداپتى.
«جىلىوي اۋدانىندا جۇمىس ىستەگەندىكتەن, وسىنداي قيىن كۇندەردە تۇرعىندارعا قالاي كومەكتەسپەيمىز؟ ەۆاكۋاتسيالانعان تۇرعىندار ازىق-ت ۇلىكپەن جانە مەديتسينالىق كومەكپەن قامتاماسىز ەتىلدى. قازىر بالالارعا ءتۇرلى تۋرنير ۇيىمداستىرۋدى قولعا الدىق», دەيدى سەرىكتەستىكتىڭ وندىرىستىك مەنەدجەرى سالتانات سۇلەيمەنوۆا.
ال «Caspian Offshore Construction Realty» جشس يەلىگىندەگى «بولاشاق» ۆاحتالىق قالاشىعىنداعى جاتاقحاناعا 3 مىڭ ادام ورنالاسقان. بۇل – «تەڭىز» كەنىشىندەگى ۇلكەن جاتاقحانالاردىڭ ءبىرى. قالاشىق مەڭگەرۋشىسى عالىمجان ءابىردىڭ ايتۋىنشا, ءتورت ساعاتتا قاجەتتى بولمەلەر دايىندالىپ, 2 مىڭنان اسا ادامدى قابىلدانعان. كەيىن تۇرعىندار سانى 1 مىڭ ادامعا كوبەيدى.
قۇلسارى قالاسىنان ەۆاكۋاتسيالانعان ايەلدەر مۇندا بوس جۇرگەن جوق. كەيبىرى ۆاحتالىق قالاشىقتاعى اسپازدارعا, ەندى بىرەۋلەرى تەحنيكالىق قىزمەتكەرلەرگە كومەكتەسىپ ءجۇر. ولار وسىنداي قيىن ساتتەردە ءبىر-بىرىنە قولداۋ كورسەتۋ ماڭىزدى ەكەنىن تۇسىنەدى.
سونداي-اق «نەفتەسترويسەرۆيس» جشس-نىڭ قىزمەتكەرلەرى بالالارمەن جاقسى قارىم-قاتىناس ورناتىپ ۇلگەرىپتى. قازىر سەرىكتەستىكتىڭ جاتاقحانالارىندا 540-تان اسا ادام تۇرادى.
تاعى ءبىر مەردىگەر – «سەنىمدى قۇرىلىس» جشس قۇلسارى قالاسى مەن تۇرعىزبا اۋىلىنان ەۆاكۋاتسيالانعان 800-گە جۋىق تۇرعىندى قابىلدادى. مۇندا تۇرعىندار كۇندەلىكتى مەديتسينالىق تەكسەرۋدەن وتكىزىلىپ, تۇرمىسقا قاجەتتى تاۋارلارمەن قامتاماسىز ەتىلگەن.
