فوتو: ۆەدومستۆو. تەلەگرام
تاسقىنعا قارسى ءىس-شارالارعا 7700-دەن استام سالا مامانى مەن سپورتشىلار تارتىلعان. سپورتشىلاردىڭ اراسىندا ارالاس جەكپە-جەك شەبەرى ۆاسيلي تاحتاي, گرەك-ريم كۇرەسىنەن ازيا چەمپيونى, لوندون وليمپياداسىنىڭ قاتىسۋشىسى اسحات دىلمۇحامەدوۆ, حالىقارالىق دارەجەدەگى سپورت شەبەرى نۇرعالي تۇرسىنعازيەۆ, «قازاق كۇرەسى» اسسوتسياتسياسىنىڭ بقو بويىنشا پرەزيدەنتى اسەت سۇلتان ۇلى جانە تاعى باسقا بەلگىلى سپورتشىلار بار.
«قازاق «اپات ايتىپ كەلمەيدى» دەپ بەكەر ايتپاعان. 5 وبلىستا 13 سپورت نىسانى سۋ استىندا قالدى. قىسقا مەرزىمدە اتالعان سپورت كەشەندەرىن قالپىنا كەلتىرۋ جوسپارلانعان. دەگەنمەن حالىقتىڭ ىنتىماق-بىرلىگىنىڭ ناتيجەسىندە بۇل تىعىرىقتان دا شىعارىمىز انىق. ەل پرەزيدەنتى ءوز ۇندەۋىندە اتاپ وتكەندەي, زارداپ شەككەندەرگە مەملەكەت تاراپىنان ءتيىستى قولداۋ كورسەتىلەدى», دەدى سالا ءمينيسترى ەرمەك مارجىقپاەۆ.
