فوتو: qaz365.kz
جاڭا تسيفرلىق پلاتفورما ارقىلى شاحتالاردا قىزمەتكەرلەر مەن تەحنيكانىڭ قوزعالىسىنا مونيتورينگ جۇرگىزىلەدى, قاۋىپتى ايماقتارداعى كەنشىلەردىڭ ورنالاسقان جەرىن قاداعالايدى, ادامداردىڭ قۇلاۋ نەمەسە قوزعالماۋ جاعدايلارىن انىقتايدى, گاز داتچيكتەرىن باقىلايدى. سونىمەن بىرگە سەيسمومونيتورينگ جۇرگىزۋ جانە بارلىق شاحتانىڭ ورتالىق ديسپەتچەرلىك جۇيەسىن باسقارۋ, ونىڭ ىشىندە ديسپەتچەرمەن جەدەل بايلانىسۋ قاراستىرىلادى.
كومپانيا 15 ساۋىردەن بارلىق شاحتادا جاڭا تسيفرلىق پلاتفورمانى, سونداي-اق تاۋ-كەن باسقارماسىندا بىرەگەي ورتالىق ديسپەتچەرلىك پۋنكتتى ەنگىزۋدى باستايدى. جۇمىستاردى «Qarmet» كومپانياسى ونەركاسىپتىك قاۋىپسىزدىكتى ۇيىمداستىرۋ جونىندەگى ينۆەستيتسيالىق مىندەتتەمەلەر شەڭبەرىندە جوسپارلاپ وتىر. جۇمىستار بيىل اياقتالادى دەپ كۇتىلەدى.
تسيفرلىق پلاتفورمانى جەتكىزۋشى – وتاندىق «AG Tەسن» كومپانياسى. جۇيە قازىردىڭ وزىندە الەم بويىنشا 800 شاحتادا قولدانىلادى. ەلىمىز بويىنشا 30 شاحتادا قولدانىستا. DMMS ەلىمىزدىڭ ونەركاسىپتىك قاۋىپسىزدىك تۇجىرىمداماسىنا ەنگىزىلگەن جانە جۇيەنى توتەنشە جاعدايلار مينيسترلىگى ماقۇلداعان.
بۇگىندە پوزيتسيالاۋ جۇيەسى Qarmet كومىر دەپارتامەنتىنىڭ سەگىز شاحتاسىنىڭ ەكەۋىندە ورناتىلعان.
قاراعاندى وبلىسى
