2024 جىلدىڭ 3-4 ساۋىرىندە اتىراۋ قالاسىنداعى «اق جەلكەن» ورتالىعىنىڭ ءماجىلىس زالىندا قازاقستان رەسپۋبليكاسى مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ قولداۋىمەن «رۋحاني جاڭعىرۋ» قوعامدىق قورىنىڭ ۇيىمداستىرۋىمەن ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. ءىس-شاراعا ء«دىن زەرتتەۋ ورتالىعىنىڭ», مەشىتتەردىڭ, ورتا جانە جوعارى وقۋ ورىندارىنىڭ جانە ت.ب ماماندارى, يمامدارى, پسيحولوگتارى مەن تەولوگتارى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – پسيحولوگيا جانە پەداگوگيكا مامانى تۋيعانوۆ مىرزابەك سارداربەك ۇلى جانە ءدىنتانۋشى, تەولوگ وسپانوۆ دالەلحان قونىرباي ۇلى سەمينار وقىدى.
مىرزابەك تۋيعانوۆ «دەسترۋكتيۆتى ءدىني يدەولوگيالارعا قارسى تۇرۋداعى دالەلدەۋ ادىستەرى» تاقىرىبىندا جالپى تەوريالىق اقپارات بەرىپ, قاتىسۋشىلارمەن جۇمىس جاسادى. سونداي-اق «جاستاردى دەسترۋكتيۆتى ءدىني ۇيىمدارعا تارتۋدىڭ الدىن الۋ نىساندارى مەن ادىستەرى» تاقىرىبىمەن قازاقستانداعى ءدىني جاعدايلاردى تۇسىندىرە وتىرا, وعان قاتىستى كۇردەلى سۇراقتارعا جاۋاپ بەرۋ ادىستەرىن ۇيرەتتى.
دالەلحان وسپانوۆ «رۋحاني ادامگەرشىلىك قۇندىلىقتاردى يدەولوگياعا اينالدىرۋ» تاقىرىبىمەن قاتىسۋشىلارعا جاستار اراسىنداعى تاۋەكەل توپتارىن انىقتاۋ ءۇشىن پروفايلينگ تەحنيكاسىن, ياعني, قىلمىس جاساۋعا دايىن تۇرعان تۇلعانىڭ سىرتقى كەلبەتىنە, ميميكاسىنا, ءجۇرىس-تۇرىسىنا قاراپ قالاي انىقتاۋعا بولاتىنىن ءتۇسىندىردى. سونداي-اق ء«دىني ەكسترەميزمنىڭ الدىن الۋ جانە وڭالتۋ جۇمىستارى» تاقىرىبىندا قاتىسۋشىلارعا پسيحوكوررەكتسيالىق جۇمىستا قولدانىلاتىن تۇلعانى زەرتتەۋ ادىستەرىن ۇيرەتتى.
سونىمەن قاتار, سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, ءماندى جاۋاپتار الىندى.
