اقمولا وبلىسىندا ەكى مىڭ ءۇيدى سۋ باسۋ قاۋپى سەيىلدى

اقمولا وبلىسى اكىمدىگىنىڭ جۇمىلدىرۋ دايىندىعى باسقارماسىنىڭ باسشىسى مارات وسپانوۆ اتاپ وتكەندەي, بۇگىنگى تاڭدا ەۆاكۋاتسيالانعان 526 تۇرعىن ۇيلەرىنە ورالدى.

18 مىڭنان استام باس مال دەر كەزىندە ەۆاكۋاتسيالانىپ, مالدىڭ قىرىلۋىنا جول بەرىلمەدى.  

«قازىرگى تاڭدا وبلىستىڭ بەس ايماعىندا سۋ تاسقىنى جاعدايى تۇراقتالىپ, شارىقتاۋ شەگىنە جەتتى. بۇل ستەپنوگورسك قالاسى, ءبىرجان سال اۋدانى, سونداي-اق اقكول, ەرەيمەنتاۋ جانە ەگىندىكول اۋداندارى», دەدى سپيكەر رەسپۋبليكالىق اقپاراتتىق شتابتا وتكەن بريفينگتە.

ەلدى مەكەندەردى قورعاۋ ءۇشىن ۇزىندىعى 32 شاقىرىمدى قۇرايتىن جاعالاۋلار سالىنىپ, 18 شاقىرىمدىق سۋ وبەكتىلەرىنىڭ جاعالاۋ سىزىعى نىعايتىلدى. سۋ تاسقىنىمەن كۇرەسۋگە بارلىعى 2,5 مىڭ ادام, مىڭنان استام تەحنيكا, موتوپومپالار مەن سۋ كولىكتەرى جۇمىلدىرىلعان. توتەنشە جاعدايلار, قورعانىس جانە ىشكى ىستەر مينيسترلىكتەرىنىڭ ءوزارا ءىس-قيمىلى اياسىندا سۋ تاسقىنىنا قارسى ءىس-شارالاردى كۇشەيتۋ ءۇشىن قوسىمشا كۇشتەر مەن قۇرالدار جۇمىلدىرىلدى», دەدى سپيكەر.