فوتو: قر ۇكىمەتىنىڭ ءباسپاسوز قىزمەتى
«تاۋلىك بويى اپاتتىق-قۇتقارۋ جۇمىستارىنا 16375 ادام مەن 1600-دەن استام تەحنيكا, 377 سۋ سورۋ تەحنيكاسى, 81 سۋ كولىگى, 15 ۇشاق جۇمىلدىرىلعان. قازىرگى ۋاقىتتا اتىراۋ, اقتوبە, اقمولا, قوستاناي, شىعىس قازاقستان, سولتۇستىك قازاقستان جانە پاۆلودار وبلىستارىندا 3745 جەكە تۇرعىن ءۇي, 421 اۋلا اۋماعى سۋ استىندا قالدى», دەدى روللان ەسماعامبەتوۆ ورتالىق كوممۋنيكاتسيالار قىزمەتىندە وتكەن بريفينگ بارىسىندا.
قازىرگى تاڭدا, باقىلاۋدا 105 جول ەروزياسى, ونىڭ ىشىندە 4 كوپىر مەن 101 جول توسەمى تۇرعانىن اتاپ ءوتتى.
«كولىك قاتىناسى ۇزىلگەن 65 ەلدى مەكەن جولدارى دا باقىلاۋعا الىندى. رەسپۋبليكالىق جەدەل شتاب اتىراۋ, اقتوبە, اقمولا, قوستاناي, شىعىس قازاقستان, سولتۇستىك قازاقستان جانە پاۆلودار وبلىستارىن باقىلاپ وتىر. سەنىم تەلەفونىنا 1052 قوڭىراۋ ءتۇسىپ, پسيحولوگتار زارداپ شەككەندەرگە جەدەل پسيحولوگيالىق كومەك كورسەتىپ جاتىر», دەپ تۇيىندەدى ەسماعامبەتوۆ.
قىرمىزى جۇماعاليقىزى,
ەۇۋ ستۋدەنتى
