كوميسسيا جۇمىسىن اياقتاپ قالدى
جۇما كۇنى وبلىس اكىمى ەرماعانبەت بولەكپاەۆ شەت اۋدانىنا بارىپ سۋ تاسقىنىنان زارداپ شەككەن ەلمەن كەزدەسىپ, اپات سالدارىن جويۋ جونىندەگى شتابتىڭ وتىرىسىن وتكىزدى. ايماق باسشىسى دۇيسەنبىگە دەيىن كەلتىرىلگەن بارلىق شىعىندى ەسەپتەپ اياقتاۋدى تاپسىردى.
«قازىرگى كەزدە اۋداندىق كوميسسيا بەلسەندى جۇمىس ىستەپ جاتىر. ۇيلەردى تەحنيكالىق تەكسەرۋ اياقتالدى, ونى اككرەديتتەلگەن ۇيىم جۇرگىزىپ جاتىر. تولەمدى وسى اپتادا باستايمىز. سونىمەن قاتار زارداپ شەككەندەرگە 100 اەك كولەمىندە بىرجولعى ماتەريالدىق كومەك كورسەتىلەدى», دەيدى شەت اۋدانىنىڭ اكىمى مۇحيت مۇحتاروۆ.
ۆەتەرينارلىق ستانسا ماماندارىنان قۇرالعان كوميسسيا توبى مالدىڭ شىعىنىن دا ەسەپتەدى. سۋ تاسقىنىنان 22 جىلقى, 72 ۇساق مال جانە 17 ءىرى قارا ولگەن. كەلتىرىلگەن شىعىن يەلەرىنە وتەلەدى.
بۇعان قوسا اۋداندا سۋ شايعان ىشكى جولداردى قالپىنا كەلتىرۋ جۇمىستارى باستالىپ كەتتى. اۋدان اۋىلدارىندا سۋ تاسقىنى كەزىندە 39 مىڭ تەكشە مەتر ەرىگەن سۋ سورىلىپ, 45 مىڭ دانا قۇمدى قاپ توسەلىپ, قورعانىس وقپاندارىن نىعايتۋعا 2,5 مىڭ توننا ينەرتتى ماتەريال جۇمسالدى.
«ايماعىمىزدا سۋ تاسقىنىنىڭ قاۋىپتى كەزەڭى ءوتتى. ءوزارا بىرلىگىمىزدىڭ ارقاسىندا ءبىز وبلىسىمىزدا سۋ تاسقىنىنىڭ زالالىن بارىنشا ازايتتىق. ءبىزدىڭ بارلىق 237 گيدروتەحنيكالىق قۇرىلىستارىمىز ۇزدىكسىز جۇمىس ىستەپ, قاجەتتى سۋ كولەمىن قابىلدادى. بيىل شەرۋباي-نۇرا سۋ قويماسى ارقىلى 256 ملن, ال سامارقاند جانە ىنتىماق سۋ قويمالارىنان 410 ملن تەكشە مەتر سۋ ءوتتى. مۇنداي سۋ كولەمى 2017 جىلى بولعان ەدى. كوبى سول جىلى سۋ تاسقىنى سالدارىنىڭ قانداي بولعانىن بىلەدى. بۇرىن قابىلدانعان شارالاردىڭ سۋ تاسقىنىنىڭ سالدارىن ازايتۋدا ماڭىزدى ءرول اتقارعانىن اتاپ وتكىم كەلەدى. ءبىز بارلىق شىعىندى قالپىنا كەلتىرۋگە كومەكتەسەمىز. جۇمىستار باستالىپ كەتتى. اۋىلداردى سۋ باسىپ قالماس ءۇشىن ءبىز وبلىستىق ماڭىزى بار ءۇش جولدى قازۋعا ءماجبۇر بولدىق, ەندىگى ەكەۋى قالپىنا كەلتىرىلدى. 8 جول ۋچاسكەسىن سۋ شايدى, تورتەۋى قالىپقا كەلتىرىلدى. سوندىقتان ازىرگە جول قوزعالىسىندا قيىندىقتار تۋىنداۋى مۇمكىن. قالعان جولداردى دا تەزدەتىپ قالپىنا كەلتىرەمىز. اقتوبە, باتىس قازاقستان, قوستانايداعى كۇردەلى جاعدايدى ەسكەرە وتىرىپ, ءبىز ونداعى ەلگە قولداۋ كورسەتۋگە دايىنبىز. وسى رەتتە ءبىزدىڭ جەرلەستەرىمىزدى جانە كاسىپكەرلەردى قولداۋ بىلدىرۋگە شاقىرامىن. مۇنداي سىن ساعاتتا بىرلىگىمىزدى تانىتىپ, قولداۋ كورسەتۋ اسا ماڭىزدى», دەدى وبلىس اكىمى.
كۇنى-ءتۇنى كەزەكشىلىك كۇشەيتىلدى
كوسمومونيتورينگتىڭ مالىمەتىنشە, وبلىس اۋماعىنىڭ 20 پايىزىندا قار جامىلعىسى قالدى.
«اقتوعاي اۋدانىنداعى توقىراۋىن وزەنىنىڭ ارناسى بويىنداعى جەكەلەگەن ەلدى مەكەندەردە بولىمشەلەردىڭ كەزەكشىلىگى جالعاسىپ جاتىر. سونداي-اق نەگىزگى كۇشىمىز نۇرا اۋدانىنىڭ اۋماعىندا شوعىرلانعان. وندا تجد بولىمشەلەرىنىڭ, اسكەري قولباسشىلىقتىڭ جانە جەرگىلىكتى اتقارۋشى ورگانداردىڭ كۇشىمەن جەتى ەلدى مەكەندە نۇرا وزەنىنىڭ ارناسى بويىندا نىعايتۋ جۇمىستارى جۇرگىزىلىپ جاتىر. وزەندەگى مۇزداردى دا جارىپ جاتىرمىز», دەيدى وبلىستىق توتەنشە جاعدايلار دەپارتامەنتىنىڭ باستىعى مۇرات قاتپانوۆ.
سامارقاند جانە جارتاس سۋ قويمالارىنان سۋ اعىزۋ جىلدامدىعى تومەندەدى. ىنتىماق سۋ قويماسىنان سەكۋندىنا 1 200 تەكشە مەتر سۋ اعىزۋ جالعاسۋدا. وسى سۋ قويماسىنىڭ تومەنگى اعىسىندا جاعداي تۇراقتى, كەشەلى بەرى بارلىق ەلدى مەكەندەردە سۋ دەڭگەيى تومەندەدى. الايدا تاۋلىك بويى كەزەكشىلىك توقتاتىلمايدى. سۋ جاعالاۋلارى ينەرتتى قاپتارمەن بەكىتىلىپ جاتىر.
سونىمەن قاتار قارعىن سۋدىڭ استىندا قالعان اۋىلداعى اعايىنعا جان-جاقتى گۋمانيتارلىق كومەك كورسەتىلىپ جاتىر. قوعام بەلسەندىلەرىنىڭ جانە ۆولونتەرلەردىڭ باستاماسىمەن قاراعاندى قالاسىندا گۋمانيتارلىق كومەك جيناۋ بەكەتتەرى اشىلدى. سۋ باسقان اۋدانعا ارنايى جۇك كولىكتەرىمەن كيىم-كەشەك, كورپە-توسەك, تۇرمىسقا قاجەتتى زاتتار مەن ازىق-ت ۇلىكتەر جىبەرىلىپ جاتىر. قايىرىمدىلىق كەرۋەنى سۋ باسقان اۋماقتارعا بارىپ, تۇرمىسقا قاجەتتى زاتتار تاپسىرۋدا. بەيسەنبىدە قاراعاندى قالاسىنداعى «دوستىق ءۇيىنىڭ» الدىنان شىققان ەكى گازەل كولىگى تۇرعىندارعا كەرەكتى زاتتارىن جەتكىزدى.
– بىرلىگى جاراسقان ەلدىڭ جاناشىرلىعى سىنالاتىن شاقتا جەرگىلىكتى اكىمدىكتەر مەن ءماسليحاتتار, دەپۋتاتتار, پارتيالاستار, بيۋدجەتتىك جانە ازاماتتىق ۇيىمداردىڭ وكىلدەرى, ءدىن قىزمەتكەرلەرى, جاستار تاراپى بەلسەندىلىك تانىتىپ, حالىقتىڭ كۇشى بىرلىكتە ەكەنىن تاعى ءبىر مارتە دالەلدەدى. ءۇيىمىزدى سۋ باسقالى قولۇشىن بەرگەن جاندار قانشاما. گۋمانيتارلىق كومەكتەر ۇسىنىلىپ جاتىر. قارعىن سۋدان زارداپ شەككەن اۋىلداعى اعايىنعا جاقسىلىق جاساۋعا اسىققان قاراعاندىلىقتارعا, باسقا دا رەسپۋبليكادان كومەك جولداعان ازاماتتارعا العىسىم شەكسىز, – دەيدى قايراقتى اۋىلىنىڭ تۇرعىنى تالعات ءشارىپ.
سونىمەن قاتار توتەنشە جاعدايلار مينيسترلىگى مەن ء«بىز بىرگەمىز» قورىنىڭ وكىلدەرى قايراقتى اۋىلىنا تىكۇشاقپەن ازىق-ت ۇلىك, جىلى كيىم مەن ءدارى-دارمەك جەتكىزدى.
قاراعاندى وبلىسى
