فوتو: adyrna.kz
قيىندىققا تاپ بولعان ازاماتتاردى ەل بولىپ قولداۋعا شاقىرعان ول ۋنيۆەرسيتەت اتىنان كومەك قولىن سوزۋعا دايىن ەكەنىن اتاپ ءوتتى جانە بارلىق ۋنيۆەرسيتەتتى اپاتتان زارداپ شەككەندەردى قولداۋعا شاقىردى.
«مەملەكەت باسشىسىنىڭ سۋ تاسقىنى سالدارىنا قاتىستى ۇندەۋىن تىڭداپ شىقتىم. اشىعىن ايتۋ كەرەك, قازىرگى تاڭدا قيىن جاعدايدا قالعان حالقىمىزعا جىلى ءسوز ايتۋ وتە ماڭىزدى. پرەزيدەنتتىڭ تاپسىرماسىمەن حالىققا كومەكتەسۋ ءۇشىن ۇكىمەت مەملەكەتتىك ماتەريالدىق رەزەرۆتى پايدالاناتىن بولدى. سونداي-اق شىعىنداردى وتەۋدى تولىعىمەن ۇكىمەت جاۋاپكەرشىلىككە الادى. اپاتتىق جاعدايدا ەلىمىزدىڭ بىرلىكتە بولۋى ماڭىزدى, ال قيىندىققا تاپ بولعان ازاماتتاردى ەل بولىپ قولداۋىمىز كەرەك. ءبىز دە ءوز تاراپىمىزدان ۋنيۆەرسيتەتىمىزدىڭ اتىنان كومەك قولىن سوزۋعا دايىن ەكەنىمىزدى بىلدىرگىم كەلەدى. ارنايى قورلارعا قاراجات اۋدارامىز دەپ شەشىم قابىلدادىق. بارشا ۋنيۆەرسيتەتتى وسىنداي اپاتتى جاعدايدا قولداۋعا شاقىرامىن», دەپ جازدى تالعات نارىكباەۆ ءوزىنىڭ Facebook پاراقشاسىندا.
