جىلىوي اۋدانىنىڭ ورتالىعى – قۇلسارىنىڭ تۇرعىن ۇيلەرى مەن الەۋمەتتىك نىساندارى سۋ ورتاسىندا تۇر. مونوقالاعا تاسقىن سۋ جەم وزەنىنەن كەلدى.
اتىراۋ وبلىسى اكىمىنىڭ ورىنباسارى قايرات نۇرتاەۆتىڭ ايتۋىنشا, جەم وزەنىنەن ەلدى مەكەندەرگە تونەتىن قاۋىپتى سەيىلتۋ ءۇشىن بوگەتتەردى بۇزۋ قولعا الىنعان.
«جىلىوي اۋدانىنىڭ اۋماعىندا جەم وزەنىنىڭ ساعالارىن اشىپ جاتىرمىز. بۇل ماڭدا كەزىندە كوپتەگەن شارۋا قوجالىعى سۋدى جيناپ الۋ ماقساتىندا اعىس كوزىن بىتەگەن. جاساندى بوگەتتەر تۇرعىزىلعان. بۇل جەم وزەنىنىڭ ءوز ارناسىمەن اعىپ كەتۋىنە ۇلكەن كەدەرگى كەلتىرىپ وتىر. سول سەبەپتەن بىتەلگەن ساعالاردى اشۋ ءۇشىن جاساندى بوگەتتەردى بۇزۋ قولعا الىندى», دەپ حابارلادى قايرات نۇرتاەۆ.
