فوتو: depositphotos.com
اۋقىمدى جوبا 8 تىلدە, ياعني بۇۇ-نىڭ التى رەسمي ءتىلى مەن قازاق جانە تۇرىك تىلدەرىندە قولجەتىمدى.
اقپاراتتىق پورتالدا مۇراعات قورىنىڭ دەرەكتەرى دە ەنگىزىلگەن. بۇل بولىمدە مۇراعاتتارداعى قۇندى دەرەكتەر, قۇجاتتار مەن ارحيۆتىك تاريحي ماتەريالدارمەن ەركىن تانىسۋعا بولادى. بۇل باستاما – زەرتتەۋشىلەر, تاريحشىلار جانە تاريحقا قىزىعۋشىلىق تانىتاتىندار ءۇشىن باعا جەتپەس رەسۋرس.
سايتتىڭ نەگىزگى ءبولىمى – جاڭالىقتار بلوگى. ەلدەگى جانە الەمدەگى بارلىق مادەني جاڭالىقتار وسى ايداردا جاريالاناتىن بولادى. جوبا ايتۋلى فەستيۆالدار, جارمەڭكەلەر مەن كونكۋرستار, سونداي-اق تەاتر قويىلىمدارى مەن وتاندىق فيلمدەردىڭ پرەمەراسى, تانىمال جانە جاس جازۋشىلار كىتاپتارىنىڭ تۇساۋكەسەرى, كورمەلەر, مەرەيتويلىق مەرەكەلەر, ءتۇرلى اۋقىمداعى وڭىرلىك جوبالاردى قامتيدى.
سونىمەن قاتار پلاتفورمادا ەلىمىزدەگى ونەر جانە مادەنيەت سالاسىنداعى باستى وقيعالار مەن جاڭالىقتار تۋرالى قازاقستاننىڭ ءموبيلدى قوسىمشالارى كورسەتىلگەن اقپارات ورنالاستىرىلادى.
«قازاقستان مادەنيەتى جاساندى ينتەللەكت پريزماسى ارقىلى» ءبولىمى – ۆيرتۋالدى تۇردە بارلىق وڭىرلەر مەن ولاردىڭ كورىكتى جەرلەرىن زەردەلەۋگە مۇمكىندىك بەرەدى.
پورتالدا اقپاراتتىق تەحنولوگيالارعا ەرەكشە نازار اۋدارىلعان. «Qazaq Culture» كورەرمەنگە ۆيرتۋالدى 3D-تۋر ارقىلى قازاقستاننىڭ وڭىرلەرى مەن ولاردىڭ كورىكتى جەرلەرىن زەرتتەۋگە جول اشادى. ال جاساندى ينتەللەكتىنىڭ كومەگىمەن سايتتىڭ ءاربىر قوناعى فوتوسۋرەتىن ەنگىزىپ, ءوزىن باتىر نەمەسە ۇلى دالا جاۋىنگەرى بەينەسىندە كورە الادى.
سايتتىڭ باستى ەرەكشەلىگى – بىرىڭعاي بيلەت جۇيەسى. پورتال قولدانۋشىلارىنا ىڭعايلى بولۋ ءۇشىن بەلگىلى ءبىر مادەني ءىس-شارانىڭ بيلەتىن ساتىپ الۋعا سىلتەمە بەرىلەدى.
