فوتو: تۇركىستان وبلىسى اكىمىنىڭ ءباسپاسوز قىزمەتى
سولتۇستىك تاشكەنت كانالى (ستك) وزبەكستان رەسپۋبليكاسى اۋماعىنان باستاۋ الادى. ستك كانالى وزبەكستان رەسپۋبليكاسى اۋماعىندا ورنالاسقان. ونىڭ قازاقستان اۋماعىنان 19,2 شاقىرىمى اعىپ وتەدى. بۇل كانال كەلەس اۋدانىنىڭ جۇزىمدىك, بىرلەسۋ جانە اقتوبە اۋىلدىق وكرۋگتەرىنىڭ جالپى 2922 گەكتار ەگىندىك جەرلەرىن سۋمەن قامتيدى.
بيىل 9 ناۋرىزدا جۇزىمدىك اۋىلدىق وكرۋگى اۋماعىنان وتەتىن ستك كانالىنداعى توسپالى سۋ قۇرىلىمىندا (سارقىراما) اپاتتى جاعداي بولدى. جوندەۋ جانە قۇرىلىس جۇمىستارى قولعا الىندى.
«وزبەكستان رەسپۋبليكاسىنىڭ «بوز-سۋ» يرريگاتسيا مەكەمەسىمەن بىرلەسىپ, 2024 جىلدىڭ 31 ناۋرىزىندا قۇرىلىس جۇمىستارى باستالىپ, 2 ءساۋىر كۇنى تولىعىمەن اياقتالعان. جوندەۋ-قۇرىلىس جۇمىستارىندا قۇيىلعان بەتون قاپتامالارى اعىن سۋ وتكىزۋگە 2024 جىلدىڭ 5 ءساۋىر كۇنى تولىق دايىن بولدى. شارۋالارعا سۋ بەرىلىپ, ماسەلە شەشىلدى», دەلىنگەن تۇركىستان وبلىسى اكىمىنىڭ ءباسپاسوز قىزمەتى تاراتقان حابارلامادا.
