تابىستالعان ادەبيەتتەر ىشىندە شىعىس شايىرلارىنىڭ بىرەگەيى سانالاتىن وزبەك حالقىنىڭ ۇلى اقىنى الىشەر ناۋايدىڭ شىعارمالارى, شىعىس ادەبيەتىنىڭ جاۋھارىنا جاتاتىن ءفيزۋليدىڭ ء«لايلى مەن ءماجنۇن» پوەماسى, كسرو عىلىم اكادەمياسى باسپاسى 1952 جىلى شىعارعان تۇركى جانە موڭعول تايپالارى تۋرالى اڭگىمەلەردىڭ قىسقاشا مازمۇنى بەرىلگەن راشيد-اد-ءديننىڭ «شەجىرەلەر جيناعى» ەڭبەگى, اكادەميك ۆاسيلي ءبارتولدتىڭ 1966 جىلى جارىق كورگەن شىعارمالارىنىڭ IV تومى (وندا ارحەولوگيا, نۋميزماتيكا, ەپيگرافيا جانە ەتنوگرافيالىق دۇنيەلەر توپتاستىرىلعان), سونداي-اق يسلامنىڭ پايدا بولۋىنان باستاپ بۇگىنگە دەيىنگى نەگىزگى مۇسىلمان اۋلەتتەرىنە شولۋ جاسالىپ, حاليفالار, سۇلتاندار, بيلەۋشىلەر ءتىزىمى, بيلىك ەتكەن جىلدارى كورسەتىلگەن كلاففورد ەدمۋند بوسۆورتتىڭ «مۇسىلمان اۋلەتتەرى. حرونولوگيا جانە شەجىرە انىقتامالىعى» جانە باسقا دا سيرەك كىتاپتارى بار.
بۇل كىتاپتار 1930 جىلى تۇركىستان وبلىسىنىڭ بالتاكول اۋلىندا دۇنيەگە كەلگەن ءابدىناسىر سەيىتجانوۆتىڭ جەكە قورىنان الىندى. 1987 جىلى 57 جاسىندا تاشكەنتتەگى امبەباپ كىتاپحانادا دۇنيەدەن وتكەن ول 70-تەن استام قولجازبالار مەن شىعىستانۋ بويىنشا 1300-گە جۋىق كىتاپ جيناعان ەكەن.
