فوتو: astanahub.com
«Astana Hub» باسقارۋشى ديرەكتورى دانيا احمەتوۆانىڭ ايتۋىنشا, وڭىرلىك حابتار ايماقتاردا IT-سالانىڭ دامۋىنا جول اشادى. مۇنداي ورتالىقتار جەرگىلىكتى ستارتاپتار, كاسىپكەرلەر مەن ماماندارعا ءبىلىم بەرۋ باعدارلامالارىنا, نەتۆوركينگكە, ينۆەستيتسيالارعا, تەحنولوگيالىق رەسۋرستارعا قول جەتكىزۋدى جىلدام قامتاماسىز ەتەدى.
«ايماقتاردا «Digital Nomads», «Google Developers Group»-پەن سەرىكتەستىكتە ۆوركشوپتار, وليمپيادالار, حاكاتوندار, وفلاين جانە ونلاين كەزدەسۋلەر ءجيى وتەدى. بۇگىندە وڭىرلىك حابتاردا 7 مىڭنان اسا ادامنىڭ قاتىسۋىمەن 300-دەن استام ءىس-شارا ۇيىمداستىرىلىپ, 70-تەن اسا كومپانيا «Astana Hub» قاتىسۋشىسى بولدى. ءبىز «Mańǵystau Hub» وڭىردەگى IT-يندۋستريانى دامىتۋدىڭ نەگىزگى الاڭىنا اينالادى دەپ سەنىمدىمىز», دەدى ول.
تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى, ماڭعىستاۋ وبلىسى اكىمدىگى جانە «Sergek Group» قولداۋىمەن «Astana Hub» حالىقارالىق تەحنوپاركى قۇرعان «Mańǵystau Hub»-تىڭ نەگىزگى مىندەتى – جەرگىلىكتى IT-قاۋىمداستىقتى دامىتىپ, IT-تالانتتاردىڭ تۇراقتى اعىنىن قالىپتاستىرۋ. مۇندا IT-مامانداردىڭ بىلىكتىلىك دەڭگەيىن ارتتىرۋعا, يننوۆاتسيالىق جوبالاردىڭ دامۋىن ىنتالاندىرۋعا باعىتتالعان ءتۇرلى ءىس-شارا, ترەنينگ پەن كونفەرەنتسيا وتكىزىلەدى.
جاڭا حابتىڭ اشىلۋىندا 8 تەحنولوگيالىق جوبا ۇسىنىلدى. ولار: «AMS SYSTEM», «qMeta», «Mediana Services Limited», «Smart EDUS», «AGSA», «Libsystem.kz», «Rebels», «Gylym.ai» جانە «ەكواۆتومات».
بۇگىندە اتالعان مينيسترلىكتىڭ باستاماسىمەن «Astana Hub», اكىمدىكتەر, جەكە سەرىكتەستەردىڭ قولداۋىمەن ەلىمىزدىڭ 12 وڭىرىندە IT-حابتار تابىستى جۇمىس ىستەيدى. بيىل ءدال وسىنداي اتىراۋ, شىمكەنت, قوناەۆ, جەزقازعان, پەتروپاۆل جانە جاڭاوزەن قالاسىنان IT-حابتار اشۋ جوسپارلانىپ وتىر.
وسى جىلى «Astana Hub» وڭىرلىك IT-حابتاردى «astanahub.com» پلاتفورماسىنداعى قولجەتىمدى تسيفرلىق ينفراقۇرىلىمدار ارقىلى قارقىندى دامىتۋدى قولعا الدى. بىلتىر ەلىمىزدىڭ وڭىرلىك حابتارىندا اكت سالاسىندا 784 ءىس-شارا ۇيىمداستىرىلىپ, وعان 25 مىڭعا جۋىق ادام قاتىسىپ, 194 ستارتاپ-يدەيا ۇسىنىلعان. سونىمەن قاتار وڭىرلەردە اكت بويىنشا 7 فورۋم ءوتتى. بۇل 70 كومپانيانىڭ «Astana Hub»-قا قوسىلۋىنا جانە وڭىرلەردە IT-سالانى دامىتۋدى ىنتالاندىرۋعا سەپتىگىن تيگىزدى.
