دوستىق راۋىشتەگى ديدارلاسۋ

قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ باستاعان پالاتا دەپۋتاتتارى ەلىمىزگە مەملەكەتتىك ساپارمەن كەلگەن قىتاي حالىق رەسپۋبليكاسىنىڭ توراعاسى حۋ تسزينتاومەن كەزدەسىپ, ەكىجاقتى قارىم-قاتىناستار ماسەلەسى اڭگىمە وزەگىنە اينالدى. اسقار تۇراپباي ۇلى. قاسىم-جومارت كەمەل ۇلى ستر­ا­­تەگيالىق ىنتىماقتاستىقتى ودان ءارى نىعايتۋداعى بۇل ساپاردىڭ ما­ڭىز­دىلىعىن, قازاقستان-قىتاي ءارىپ­تەستىگىندەگى باسىمدىقتاردى ءجۇ­زەگە اسىرۋدا ەكىجاقتى جانە كوپ­جاقتى پارلامەنتتىك ۇنقاتىسۋدىڭ ەرەكشە­لىكتەرىن اتاپ كورسەتتى. “سەنات ءبىزدىڭ ەلدەرىمىز اراسىنداعى ىنتىماقتاس­تىقتى نىعايتۋعا جانە دامىتۋعا جان-جاقتى جاردەمدەسۋگە ءازىر”, – دەدى ق.توقاەۆ. سەنات توراعاسى ەكىجاقتى قا­رىم-قاتىناستاردىڭ ورىستەۋ سي­پا­تىن اتاي كەلىپ, ونىڭ تابىستى دا­مۋى ەكى مەم­لەكەت باسشىلارى – نۇر­سۇلتان نازار­باەۆ پەن حۋ تسزين­تاونىڭ كۇش-جىگەرى ارقا­سىن­د­ا مۇمكىن بولعانىن تىلگە تيەك ەتتى. قازىر الەمدە قىتاي­دىڭ ءرولى جو­عا­رى باعالانۋدا جانە قازاقستان مەن قحر-دىڭ حالىقارالىق قۇرى­لىم­دار اياسىنداعى ىنتىماقتاس­تىعى “جاھان­دىق جانە ايماقتىق قاۋىپ­سىز­دىك ماسەلەلەرىن شەشۋدە زور ماڭىزعا يە”. قحر توراعاسى ءوز كەزەگىندە ەكى­جاقتى قاتىناستاردىڭ بارىسىنا تە­رەڭ قاناعاتتاناتىندىعىن بىلدىرە كە­لىپ, قازاقستان مەن قىتايدىڭ تا­تۋ كورشىلىك قارىم-قاتىناستار ور­نا­تىپ, جاقسى دوس جانە سەنىمدى ءارىپ­تەستەر بولىپ تابى­­لاتىندىعىن ەرەك­شە اتادى. قازىرگى ۋا­قىتتىڭ كوكەي­كەستى ماسەلەلەرى بويىنشا ءوزارا قول­داۋدىڭ ماڭىزدىلىعىنا توقتالىپ وتكەن قىتاي باسشىسى ەكى ەل اراسىنداعى ساياسي سەنىمنىڭ كۇشەيە ءتۇسۋى قاجەتتىگىنە نازار اۋدارتتى. “ارىپتەستىك قارىم-قاتىناس­تار­دى جوعارى دەڭگەيگە كوتەرۋگە ءمۇم­كىندىك كوپ, دەدى وسى ورايدا حۋ تسزين­تاو. كوپ جىلدار بويى قا­زاقستان پارلامەنتى مەن قىتايدىڭ حالىق وكىلدەرىنىڭ بۇكىلقىتاي جينالىسى قازاقستان-قىتاي ىن­تى­ماقتاستىعىن دامىتۋعا ىقپال ەتە­تىن جانە ەكى ەل حالىقتارى ارا­­سىن­داعى دوستىقتى نىعايتۋعا قىزمەت ەتەتىن تىعىز بايلانىستار­دى قولداپ كەلەدى”. پارلامەنت سەناتىنىڭ ءتورا­عا­سى قاسىم-جومارت توقاەۆ باستاعان پارلا­مەنتشىلەر مەن قىتاي حالىق رەسپۋب­لي­كاسىنىڭ توراعاسى حۋ تسزينتاو اراسىنداعى كەزدەسۋ دوس­تىق راۋىشتە ءوتتى. جوعارى مارتە­بەلى مەيمان ءوزى تاراپىنان سەنات توراعاسى مەن پالاتا دەپۋتاتتارىن قولايلى ۋاقىتتا قحر-عا ساپارلاپ كەلۋگە شاقىردى. بايلانىستاردى تەرەڭدەتۋدىڭ جاڭا مۇمكىندىكتەرى قحر توراعاسى حۋ تسزينتاو قازاقستان پارلامەنتشىلەرىمەن كەزدەسۋ ءۇشىن سەنبى كۇنى پارلامەنت ماجىلىسىنە ارنايى كەلدى. ەلىمىزگە مەملەكەتتىك ساپارمەن كەلگەن قىتاي حالىق رەسپۋبليكاسىنىڭ توراعاسى قازاقستان رەسپۋبليكاسى پارلامەنتى ءماجىلىسىنىڭ توراعاسى ورال مۇحامەدجانوۆپەن كەزدەستى. قىتاي مەملەكەتىنىڭ باسشىسىن قارسى العان ءماجىلىس توراعاسى مارتەبەلى مەيماننىڭ قا­زاق­ستانعا كەلگەن وسى ساپارىندا ۋاقىت تاۋ­­ىپ, دە­پۋتاتتارمەن ارنايى كەزدە­سۋگە كەلگەنى ءۇشىن ريزا­شىلىعىن ءبىلدىردى. حۋ تسزينتاو ءوز كەزەگىندە قا­زاقستان مەن قىتاي وتە جاقىن كورشىلەر ەكەنىن, تاريحي جانە مادەني بايلانىستارى تەرەڭدە جات­قانىن تىلگە تيەك ەتتى. ديپلو­ماتيالىق بايلانىس ور­ناتىلعان ون سەگىز  جىلدان بەرگى كەزەڭدە ەكى ەل­ اراسىنداعى قارىم-قاتىناستار قارقىندى دا­مىپ كەلەدى. ءوزارا ءتيىمدى ساۋدا-ەكونوميكالىق باي­­­­­­­لا­نىستار وركەندەۋ ۇستىندە. مارتەبەلى مەي­مان قازاقستان پرەزيدەنتى نۇرسۇلتان نا­زار­با­ەۆ­­­پەن جۇزدەسۋ بارىسىندا ەكى ەلدى دامىتۋعا باي­لانىستى پىكىر الماسىلعانىن جەت­كىزدى. الداعى ۋاقىتتا ىنتى­ماق­تاس­تىق بايلانىستىڭ جاڭا ءمۇم­­كىن­دىكتەرى اشى­لاتىنىنا سەنىم ءبىل­دىر­دى. ءماجىلىس ءتورا­عاسىنا قىتاي پار­لامەنت­شى­لەرىنىڭ سالەمىن جەت­كىزە كەلىپ, ءوز ەلىنە ساپارلاپ كەلۋگە شاقىردى. كەزدەسۋدە ءماجىلىس توراعاسى كور­شى ەلمەن  قارىم-قاتىناستى تە­رەڭدەتۋ  مەملەكەتتىڭ باسىم باعىت­تا­­رىنىڭ ءبىرى ەكەندىگىن ەرەكشە اتادى. “وسى ورايدا پارلا­مەنت­ارالىق بايلانىستىڭ ءمۇم­كىندىگىن ءتيىمدى پايدالانۋ قاجەت. قوس مەملەكەت باسشىلارىنىڭ جوعارى دەڭگەيدەگى كەزدەسۋلەرى ەكى ەلدىڭ قارىم-قاتىناسىنا جاڭا سەرپىلىس بەرەدى دەپ سەنەمىن”, – دەدى  ورال بايعونىس ۇلى. كەزدەسۋگە ءماجىلىس توراعا­سى­نىڭ ورىنبا­سار­لارى جانىبەك كا­رىبجانوۆ پەن ۆلاديمير بوب­روۆ, پالاتانىڭ سالالىق كوميتەتتەرىنىڭ ءتورا­عالارى  امزەبەك جولشىبەكوۆ, گۇلجان قارا­عۇ­سوۆا, رومين ءما­دي­نوۆ جانە باسقا دا ادامدار قاتىستى. ءلايلا ەدىلقىزى. جوعارى دەڭگەيلى قارىم-قاتىناس ماۋسىمنىڭ 12-ءسى كۇنى استانادا قازاقستان ۇكىمەتى مەن قىتاي حالىق رەسپۋبليكاسىنىڭ ءتو­راعاسى باستاعان دەلەگاتسيانىڭ اراسىندا كەز­دەسۋ ءوتتى. “مەنىڭشە, بۇگىن ءسىزدىڭ ەلبا­سىمەن, پارلامەنت پالاتالارى باسشىلارىمەن, سونداي-اق قازىرگى قازاقستان ۇكىمەتىمەن ءوتىپ جاتقان كەزدەسۋىڭىز ەكى جاقتى قارىم-قاتىناستاردى دامىتۋعا وزىندىك ۇلەس قوساتىنى ءسوزسىز”, دەدى كارىم ءماسىموۆ. ۇكىمەت باسشىسى شانحاي جەرىندە وتكەن بۇكىلالەمدىك “ەكسپو-2010” كورمەسىندە قازاق­ستان دەلەگاتسياسىنا كورسەتىلگەن قوشەمەتى ءۇشىن العىسىن ءبىلدىردى. “مەنىڭ ويىمشا, شانحايلىق بۇكىلالەمدىك “ەكسپو-2010” كورمەسى بارشا الەمگە بۇگىندە قول جەتكىزگەن قىتاي حالىق رەسپۋبليكاسىنىڭ دامۋى دەڭگەيىن تاعى ءبىر كورسەتىپ ءوتتى”,–دەدى پرەمەر-مينيستر. ءوز سوزىندە قحر توراعاسى حۋ تسزينتاو ءبۇ­گىندە قازاقستان مەن قىتاي اراسىندا جوعارى دەڭ­گەيلى قارىم-قاتىناس قالىپتاسىپ وتىرعان­دى­عىن ەرەكشە اتاپ ءوتتى. سونداي-اق ول قازاق­ستانعا ساپارىنىڭ تابىستى وتكەنىنە ريزا­شى­لىعىن ءبىلدىردى, دەپ حابارلادى “قازاقپارات”.