فوتو: اقوردانىڭ ءباسپاسوز قىزمەتى
مەملەكەت باسشىسى گۋمانيتارلىق كومەكتى تاراتاتىن پۋنكتتىڭ جۇمىسىمەن تانىسىپ, سۋ تاسقىنىنا بايلانىستى جاقىن ماڭداعى اۋىلداردان كوشىرىلگەن تۇرعىندارمەن كەزدەستى.
قاسىم-جومارت توقاەۆ تۇرعىندارمەن اڭگىمەلەسۋ بارىسىندا مۇنداي كولەمدەگى تاسقىننىڭ بۇرىن-سوڭدى بولماعانىنا نازار اۋداردى. ونىڭ ايتۋىنشا, وسىعان ۇقساس جاعداي 1994 جىلى بولعان. بىراق بيىلعى تاسقىن ودان دا اسىپ ءتۇستى.
پرەزيدەنت شىعىنداردى وتەۋ ءۇشىن مەملەكەت بارلىق قاجەتتى شارانى قابىلدايتىنىن ايتتى.
«حال-جاعدايلارىڭىزدى ءبىلۋ ءۇشىن ارنايى كەلىپ وتىرمىن. بۇل – بۇرىن-سوڭدى بولماعان ۇلكەن تابيعي اپات. سوندىقتان ءبارىمىز ءبىر ەل, ءبىر حالىق بولىپ ارەكەت ەتۋىمىز كەرەك. مەملەكەت, ۇكىمەت بارشاڭىزعا قول ۇشىن بەرەدى. ماتەريالدىق, قارجىلىق كومەك كورسەتەدى. وعان ەش الاڭداماڭىزدار. ءبارى دۇرىس بولادى», دەدى پرەزيدەنت.
كەزدەسۋدە جەرگىلىكتى تۇرعىندار جاقسىباي جانە قالدىعايتى وزەندەرىنە كوپىر سالىپ بەرۋدى, سونداي-اق اۋىل ماڭىنداعى بوگەتتەردى جاڭعىرتۋدى سۇرادى.
مەملەكەت باسشىسى اتالعان ماسەلە بويىنشا ۇكىمەتكە ءتيىستى تاپسىرما بەرەتىنىن جەتكىزدى. سونىمەن قاتار قارعىن سۋدى حالىقتىڭ يگىلىگىنە پايدالانۋ قاجەت ەكەنىن اتاپ ءوتتى.
