فوتو: sud.gov.kz
موڭعول ارىپتەستەرىنىڭ باستاماسىمەن وتكەن كەزدەسۋگە قازاقستان رەسپۋبليكاسى سوت اكىمشىلىگىنىڭ باسشىسى نايل احمەتزاكيروۆ, ءسا حالىقارالىق بايلانىستار ءبولىمىنىڭ مەڭگەرۋشىسى شاكير شاياحمەتوۆ, جوعارعى سوتتىڭ قىلمىستىق ىستەر جونىندەگى سوت القاسىنىڭ توراعاسى جانە محر سۋديالاردىڭ بىلىكتىلىگىن ارتتىرۋ ينستيتۋتىنىڭ ديرەكتورى چاگداا حوسبايار جانە ەردەنەچيمەگ داشپۋنتساگ قاتىستى.
ا.مەرعاليەۆ قازاقستان رەسپۋبليكاسىنىڭ سوت جۇيەسى مەن سوت ءىسىن جۇرگىزۋ, سوت كورپۋسىنىڭ تاۋەلسىزدىگى مەن كادرلىق الەۋەتىن نىعايتۋ بويىنشا قابىلدانعان زاڭنامالىق شارالار, اكىمشىلىك ادىلەتتى دامىتۋ, 2,5 جىل ىشىندە ازاماتتاردىڭ 63%-ى جانە ينۆەستورلاردىڭ 76%-ى مەملەكەتتىك ورگاندارمەن داۋلاردا ۇتاتىنى تۋرالى ايتتى.
حالىقارالىق رەيتينگتەردە كورسەتىلگەن تسيفرلاندىرۋدىڭ جوعارى دەڭگەيى, مەدياتسيا, سونداي-اق سوتتاردى بىرىكتىرۋ, ەكستەرريتوريالىق سوتتىلىق, جاساندى ينتەللەكت ەلەمەنتتەرى بار IT-جۇيەلەرىن جانە روبوتتاندىرۋ جونىندەگى جوبالار اتاپ ءوتىلدى.
ا.مەرعاليەۆ قازاقستان رەسپۋبليكاسى جوعارعى سوتىنىڭ سوتقا سەنىم دەڭگەيىن ارتتىرۋعا باعىتتالعان جوبالارىنا توقتالىپ, ۇلتتىق ستاتيستيكا بيۋروسىنىڭ مالىمەتى بويىنشا وسى جىلدىڭ باسىندا ول 61%-دى قۇراعانىن اتاپ ءوتتى.
ءوز كەزەگىندە گ.دامدين ەكى ەلدىڭ سوت جۇيەسىنىڭ ارىپتەستىگىنە سەرپىندى ىنتىماقتاستىق سيپاتىن بەرۋگە نيەتىن ءبىلدىردى. ول سوتتاردى تسيفرلاندىرۋ سالاسىنداعى جانە ونى نورماتيۆتىك رەگلامەنتتەۋدەگى قازاقستاندىق تاجىريبەنى, ونلاين سوت ءىسىن جۇرگىزۋ پروتسەسى, جاساندى ينتەللەكتى پايدالانۋ جوباسىنا جانە ت.ب. زەرتتەۋگە قىزىعۋشىلىق تانىتتى.
سونداي-اق سوتتاردىڭ تاۋەلسىزدىگىن نىعايتۋ شارالارىنا, وقىتۋ ءىس-شارالارىنا, سوت قاۋىمداستىقتارىنىڭ حالىقارالىق بىرلەستىكتەرىمەن ءوزارا ءىس-قيمىلعا قىزىعۋشىلىق تانىتاتىنى اتاپ ءوتىلدى.
كەزدەسۋ سوڭىندا تاراپتار سوت تورەلىگى مەن سوت اكىمشىلىگىنىڭ تيىمدىلىگىن قامتاماسىز ەتۋ ماقساتىندا ءوزارا ءتيىمدى ىنتىماقتاستىقتى دامىتۋعا نيەتتى ەكەنىنە سەنىم ءبىلدىردى.
