وبلىس ورتالىعىن قاق جارىپ اعاتىن قىلشاقتى وزەنى العاش تاسىعاندا كورگەنبىز. تەمىرجول جانە اۆتوبەكەتتەردەن شىعاتىن جولاۋشىلار اعىنى جالعىز كوپىر ارقىلى ءوتىپ, قالاعا كىرەدى. سول كۇنى كولىك ءنوپىرى كوپ ەكەن. كوپىر ۇستىندە پوليتسيا قىزمەتكەرلەرى اسىققان, اشۋلى جولاۋشىلاردى سابىرعا شاقىرىپ, تار جەردەن كىدىرىسسىز ءوتۋىن قامتاماسىز ەتىپ جاتتى. جان ۇشىرىپ ءجۇرىپ ىستەگەن ىسىنە قاراپ رازى بولدىق. سويتسەك, پوليتسيا قىزمەتكەرلەرى جالعىز كوكشەتاۋ قالاسىندا عانا ەمەس وڭىردەگى سۋ تاسقىنى بولۋى مۇمكىن قاۋىپتى جەرلەردى دە قاداعالاۋعا الىپتى. قاداعالاۋ عانا ەمەس, قول ۇشىن بەرۋ, كومەكتەسۋ, جاناشىرلىق جاساۋ. قاۋىپ تونگەندە ەلگەزەكتىك تانىتىپ, ۋاقىتپەن ساناسپاي قىزمەت ەتكەندەرىنە رازى بولىستىق. اۆتوبەكەت ماڭىنداعى تۇرعىن ۇيلەر مەن بالاباقشا, اۋرۋحانا قارعىن سۋ استىندا قالعاندا الدىمەن جەتىپ, كومەك كورسەتتى. بۇل ىستە پاترۋلدىك پوليتسيا باتالونىنىڭ جەكە قۇرامى مەن ۋچاسكەلىك ينسپەكتورلار جۇمىلدىرىلدى. پوليتسيانىڭ اعا لەيتەنانتى ءادىلحان مۇرات تاڭسارىدەن وسىندا ەكەن. تەمىرجول بەكەتى اۋماعىندا ورنالاسقان ستاتسيونارلىق پوليتسيا قوسىنىنا اۋىسا وتىرىپ, ارىپتەستەرىمەن بىرگە قاۋىپتى ۋچاسكەدەگى جول قوزعالىسىن رەتتەۋدە. جۇرگىزۋشىلەر دە ۋاقىتشا قولايسىزدىقتى ءتۇسىنىپ, ءتارتىپ ساقشىلارىنىڭ زاڭدى تالاپتارىن مۇلتىكسىز ورىنداپ جاتىر.
وبلىستا پوليتسيا قىزمەتكەرلەرى كۇشەيتىلگەن رەجىمدەگى جۇمىسقا كوشكەن. دەپارتامەنت باسشىلىعىنىڭ تاپسىرماسىنا وراي قاۋىپتى جەرلەرگە قوسىمشا بەكەتتەر مەن پاترۋلدىك جاساقتار ورنالاستىرىلعان. جۇمىس تا جەڭىل ەمەس. وڭىردەگى رەسپۋبليكالىق جانە وبلىستىق ماڭىزداعى كۇرە جولداردىڭ بويىندا سۋ ورىپ كەتۋ قاۋپى بار جۇزگە جۋىق جەر بار ەكەن. مۇنداي جەرلەردىڭ بارلىعى – پوليتسيا باقىلاۋىندا. قازىرگى تاڭدا قاۋىپتى ۋچاسكەلەردە 700-گە جۋىق پوليتسيا جۇمىس ىستەپ جاتىر. ولار جولاۋشىلاردىڭ قاۋىپسىزدىگىن قاداعالاپ قانا قويماي, كولىكتەردىڭ كىدىرىسسىز ءوتۋىن قامتاماسىز ەتۋدە. ەگەر جاعداي كۇردەلەنىپ كەتسە, قوسىمشا بەكەتتەر مەن تىڭ كۇش تارتىلماق. جەرگىلىكتى اتقارۋشى ورگاندارعا دا قولدان كەلگەنىنشە كومەك كورسەتىپ جاتىر. مۇندايدا ەڭ باستىسى – ادام ومىرىنە قاۋىپ تۋدىرماۋ. قىزىل سۋ شايىپ كەتكەن جەرلەردە اۆتوپاترۋلدەر تاۋلىك بويى كىرپىك ايقاستىرماي كەزەكشىلىك اتقارىپ جاتىر.
كوكشەتاۋداعى پوليتسيا قىزمەتكەرلەرى جەرگىلىكتى اتقارۋشى ورگانداردىڭ وكىلدەرىمەن, حالىق قالاۋلىلارىمەن جانە ەرىكتىلەرمەن بىرلەسە وتىرىپ, قىزىل سۋدىڭ كەسىرىنەن اۋىلدان قارعا ادىم جەر اتتاپ شىعا الماي قالعان ادامدارعا ءزارۋ زاتتارى مەن ازىق-ت ۇلىك جەتكىزىپ جاتىر. تاياۋدا عانا قىزىلجۇلدىز اۋىلى تابيعات تاقسىرەتىن تارتىپ, بايلانىس ءۇزىلىپ قالدى. مىنە, وسى كەزدە كوكشەتاۋ قالالىق پوليتسيا باسقارماسى باستىعىنىڭ ءبىرىنشى ورىنباسارى, پودپولكوۆنيك جانات ءشارىپوۆ, كوكشەتاۋ قالالىق ءماسليحاتىنىڭ توراعاسى داستان اكىموۆ باستاعان توپ اۋىل تۇرعىندارىنا ازىق-ت ۇلىك جەتكىزدى. مەديتسينالىق كومەككە مۇقتاج ادامدارعا دا كومەك كورسەتىلدى. قىسىلعان شاقتا قول ۇشىن بەرگەن جاناشىر جاندارعا جالپاق جۇرتتىڭ ايتار العىسى مول.
كوكشەتاۋ
