وتكەن تاۋلىكتە سۋ تاسقىنىنا قارسى ءىس-شارالارعا 361 اسكەري قىزمەتشى, 15 بىرلىك اۆتوكولىك تەحنيكاسى, 5 تىكۇشاق جانە اسكەري-كولىكتىك اۆياتسيا ۇشاعى جۇمىلدىرىلدى.
اقتوبە وبلىسىنىڭ ەلدى مەكەندەرىنەن اۋە قورعانىسى كۇشتەرى مەن اسكەري ۇشقىشتار دايىندايتىن ينستيتۋتتىڭ تىكۇشاقتارىمەن 128 ادام, ونىڭ ىشىندە 27 بالا ەۆاكۋاتسيالاندى. داعدارىس ايماقتارىنا شامامەن 10 000 كەلى جۇك جەتكىزىلدى. 29 ادام تاسىمالداندى. ولاردىڭ ىشىندە تجم, اكىمدىك, بۇقارالىق اقپارات قۇرالدارى جانە اۋە قورعانىسى كۇشتەرى اسكەري ينستيتۋتىنىڭ ينجەنەرلىك-تەحنيكالىق قۇرامىنىڭ وكىلدەرى بار.
اباي وبلىسىندا سەمەي قالاسى اۆيابازاسىنىڭ ۇشقىشتارى تجم قىزمەتىنە اۋداننىڭ ۇستىنەن اينالىپ قاراپ شىعۋىنا كومەك كورسەتىپ, وبا وزەنىندە مۇزدى جارۋ جۇمىستارىنا ماماندار جەتكىزدى.
قاراعاندى وبلىسى نۇرا اۋدانى نۇرا, مىڭباەۆ, ەگىندى جانە كوبەتەي اۋىلدارىندا دا سۋ تاسقىنىنا قارسى ءىس-شارالار جالعاستى. ول جەرگە 122 اسكەري قىزمەتشى جانە 7 اۆتوكولىك تەحنيكاسى جۇمىلدىرىلدى. 1400-دەن استام قاپ قۇم دايىندالىپ, توسەلدى, اعىن سۋ ارنالارى قاردان تازارتىلدى جانە ەكى جەكە ءۇيدىڭ اينالاسىنداعى سۋ سورىلدى. ەلدى مەكەندەردىڭ اينالاسىندا جانە نۇرا وزەنىنىڭ بويىندا ءۇيىندى جاسالدى.
اقتوبە وبلىسى, مۇعالجار اۋدانى, اقشات اۋىلىندا «باتىس» وڭىرلىك قولباسشىلىعى 30238 اسكەري ءبولىمىنىڭ اسكەري قىزمەتشىلەرى 700 قاپ قۇم دايىنداپ, ولاردى توسەۋ جۇمىستارىن جۇرگىزدى. باتىس قازاقستان وبلىسىنىڭ اۋماقتىق قورعانىس بريگاداسى قۇم سالىنعان قاپتاردى دايىنداۋعا جانە جەرگىلىكتى تۇرعىنداردى سۋ باسقان ۇيلەردەن الىپ شىعۋعا تارتىلدى. «باتىس» وڭىرلىك قولباسشىلىعى 41443 اسكەري ءبولىمىنىڭ جەكە قۇرامى اتىراۋ وبلىسى, جىلىوي اۋدانى, اقكيىزتوعاي اۋىلىنداعى بوگەتتى كۇشەيتۋ جۇمىستارىن جۇرگىزدى.
اۋە قورعانىسى كۇشتەرى اسكەري ينستيتۋتىنىڭ اسكەري قىزمەتشىلەرى اقتوبە وبلىسىنىڭ كيرپيچنىي, اقجار, اقشات ەلدى مەكەندەرىندە پاترۋلدەۋدى جۇزەگە اسىردى.
سۋ تاسقىنىنىڭ سالدارىن جويۋعا 27 ناۋرىز بەن 2 ءساۋىر ارالىعىندا بارلىعى 964 اسكەري قىزمەتشى, 55 بىرلىك اۆتوكولىك تەحنيكاسى, 14 تىكۇشاق جانە 2 اسكەري-كولىكتىك اۆياتسيا ۇشاعى جۇمىلدىرىلدى.
قارۋلى كۇشتەردىڭ بورتىمەن 1 979 ادام ەۆاكۋاتسيالاندى, ونىڭ 584-ءى بالا. تىكۇشاقتار 230 مارتە ۇشىپ, 40 000 كەلىگە جۋىق گۋمانيتارلىق جۇك تاسىمالدادى. 19 700-دەن استام قۇم سالىنعان قاپ دايىندالىپ, توسەلدى.
سۋ تاسقىنىنا قارسى ءىس-شارالار ءالى دە جالعاسادى.
