فوتو: سەناتتىڭ ءباسپاسوز قىزمەتى
سەناتور امانگەلدى نۇعمانوۆ اقتوبە وبلىسىندا اپاتتان زارداپ شەككەن تۇرعىندارمەن, وبلىستىق ءماسليحات دەپۋتاتتارىمەن, ءوڭىر باسشىلىعىمەن كەزدەستى. وندا تاسقىن سۋعا قارسى ءىس-قيمىل جانە زارداپ شەككەندەرگە كومەك كورسەتۋ تەتىكتەرى تالقىلاندى.
دەپۋتات سەرگەي كارپليۋك قوستاناي وبلىسىندا گۋمانيتارلىق كومەك جيناۋ پۋنكتتەرىندە بولىپ, زارداپ شەككەندەرمەن, ەرىكتىلەرمەن, قۇتقارۋشىلارمەن كەزدەسىپ, ولاردىڭ تابيعي اپاتتى جويۋ كەزەڭىندەگى جانقيارلىق ەڭبەكتەرىنە ريزاشىلىعىن ءبىلدىردى.
سەناتور قايرات تاستەكەەۆ اباي وبلىسىنداعى سۋ تاسقىنى سالدارىن جويۋ بارىسىمەن تانىستى. ول ءوڭىر باسشىلىعىنىڭ الدىندا ەل پرەزيدەنتى تاپسىرماسى بويىنشا زارداپ شەككەندەرگە كومەك كورسەتۋدىڭ ماڭىزىن اتاپ ءوتتى, سونداي-اق وبلىس اكتيۆىمەن بىرلەسىپ الداعى ۋاقىتتا توتەنشە جاعدايلاردىڭ الدىن الۋ تەتىكتەرىن تالقىلادى.
سەناتور ەرنۇر ايتكەنوۆ پاۆلودار وبلىسىنداعى تابيعي اپاتتان زارداپ شەككەن اۋدانداردا بولدى. ول سۋدى بۇرۋ جۇيەلەرى جونىندە شۇعىل شارالار قابىلداۋ قاجەتتىگىنە ءوڭىر باسشىلىعى مەن سالالىق قىزمەتتەر وكىلدەرىنىڭ نازارىن اۋداردى.
سولتۇستىك قازاقستان وبلىسىندا بولعان اسەم راحمەتوۆا وڭىردەگى جاعداي باقىلاۋدا ەكەنىن, بىراق وڭىردەگى بىرقاتار ەلدى مەكەندەرگە قاۋىپ ءتوندىرۋى ىقتيمال ەرىگەن سۋدىڭ كەلۋى كۇتىلىپ وتىرعانىن حابارلادى. دەپۋتات وسىعان بايلانىستى سۋدى بۇرۋ جانە تاسقىن سۋدى ايداۋ بويىنشا جۇرگىزىلىپ جاتقان جۇمىستاردىڭ بارىسىمەن تانىستى.
ارمان وتەعۇلوۆ باتىس قازاقستان وبلىسىندا جەرگىلىكتى اكىمدىكتەر جانە توتەنشە جاعدايلار مينيسترلىگى وكىلدەرىمەن بىرلەسە وتىرىپ اۋدانداردى بۇدان بىلاي سۋ باسۋدىڭ الدىن الۋعا قاتىستى ماسەلەلەردى شەشۋ ءۇشىن وڭىرلىك شتابتىڭ جۇمىسىنا اتسالىستى.
