فوتو: ا.بايجۇمانوۆ
شارت ساياسي, ساۋدا-ەكونوميكا, ترانزيت-كولىك, مادەني-گۋمانيتارلىق, ازاماتتىق قورعانىس جانە ەنەرگەتيكا سالاسىنداعى ىنتىماقتاستىقتى كەڭەيتۋگە باعىتتالعان. قۇجات سونداي-اق حالىقارالىق ارەنادا ءوزارا ءىس-قيمىلدى نىعايتۋدى كوزدەيدى. تاراپتار شارتتىڭ ەرەجەلەرىنە سايكەس ەكى مەملەكەتتىڭ پارلامەنتتەرى, ساياسي پارتيالارى مەن قوعامدىق ۇيىمدارى اراسىنداعى بايلانىستاردى نىعايتۋعا جاردەمدەسەدى.
تاراپتار شارتقا سايكەس سىرتقى ساياسات, قورعانىس جانە قاۋىپسىزدىك سالالارىندا, تەرروريزم, ءدىني ەكسترەميزم, ۇيىمداسقان جانە كيبەر قىلمىستار, زاڭسىز كوشى-قون, ادام ساۋداسى, قارۋ-جاراق پەن ەسىرتكىنىڭ زاڭسىز اينالىمى سياقتى جاڭا سىن-قاتەرلەر مەن قاۋىپسىزدىككە قارسى ءىس-قيمىل ماسەلەلەرىندە تىعىز ءوزارا ءىس-قيمىل جاسايدى.
سەناتورلاردىڭ ايتۋىنشا, زاڭنىڭ قابىلدانۋى قازاقستان مەن وزبەكستاننىڭ ەكىجاقتى ىنتىماقتاستىعى مەن ءوزارا ءىس-قيمىلىن جاڭا دەڭگەيىنە شىعارۋعا, سونداي-اق ەكى مەملەكەتتىڭ تۇراقتى ەكونوميكالىق دامۋىنا مۇمكىندىك بەرەدى.
كوميتەت مۇشەلەرى تالقىلاۋ ناتيجەسى بويىنشا زاڭدى پالاتا وتىرىسىندا قاراۋعا جىبەرۋ تۋرالى شەشىم قابىلدادى.
